,,ერთიანი ნაციონალური მოძრაობის“ გენერალური მდივანი პეტრე ცისკარიშვილი პოლიტიკურ შეფასებას აკეთებს ,,ქართული ოცნების“ თავმჯდომარის ირაკლი კობახიძის მიერ პარლამენტის კომისიის შესაბამის სამუშაო ჯგუფში არასამთავრობო ორგანიზაცია ,,სამართლიანი არჩევნების“ ჩართვის საწინააღმდეგოდ დაფიქსირებულ პოზიციაზე:
,,თუ ამ საარჩევნო პროცესს გამოვაცლით მთავარ კომპონენტს, რომელიც არის დაშინება, მოსყიდვა, კარუსელები, გაყალბება, დიდი ფული, სუს-ის მიერ არჩევნებში მონაწილეობა, მაშინ კიდევ უფრო მეტ ხმას აიღებს ოპოზიცია. ცხადია, შემდეგ პირველივე საპარალამენტო არჩევნებზე მორიგი იქნება ეს თუ ვადამდელი, ,,ქართული ოცნება“ დაკარგავს უმრავლესობას.
აქედან გამომდინარე, მათ არ უნდათ, რომ ის რეფორმები გატარდეს, ის 12 რეკომენდაცია შესრულდეს, რომელიც ჩვენ ბრიუსელმა მოგცა და გაგვიწერა.
იციან რა, ISFED-ის ცოდნა, გამოცდილება, ექსპერტიზა, სამართლიანი არჩევნების ჩატარების დარგში. მათ არ უნდათ, რომ ეს ხალხი ესწრებოდეს იმ სხდომებს და თავის ინიციატივებს აყენებდეს“, – განაცხადა პეტრე ცისკარიშვილმა.
ავტორი
ნინი ხიჯაკაძე
