პარტია ,,ლელო საქართველოსთვის“ გენერალური მდივანი ბადრი ჯაფარიძე კომენტარს აკეთებს რუსეთის მოქალაქეებისთვის სავიზო რეჟიმის შემოღების აუცილებლობის შესახებ:
,,საუბარი იმაზე, თითქოს ვინმეს უნდა ტურისტების შეზღუდვა ან რაიმე დამატებითი დაბრკოლების შექმნა ქვეყნის განვითარებისთვის – არის დემაგოგია, უსინდისო ტყუილი.
რაც შეეხება იმას, რასაც ჩვენ ვამბობდით – ეს არის ელემენტარული სავიზო რეჟიმი. ტურისტებისთვის უნდა იყოს ძალიან მარტივი, რომ მათი შემოდინება ქვეყანაში არ დაბრკოლდეს – მათ შორის რუსეთის ფედერაციის მხრიდან. მაგრამ ისე, როგორც მიღებულია ზოგადად ცივილიზებულ სამყაროში, როდესაც საუბარია, მით უმეტეს, ისეთი ქვეყნის მხრიდან, რომელსაც ოკუპირებული აქვს შენი ქვეყნის 20% – იქ არსებობდეს გარკვეული რეგულაციები იმ ადამიანების მიმართ, რომელთაც სურთ ქვეყანაში დიდი ხნით დარჩენა – არის აბსოლუტურად ნორმალური მოთხოვნა“, – განაცხადა ბადრი ჯაფარიძემ.
ავტორი
ნინი ხიჯაკაძე
