პარლამენტის პირველი ვიცე სპიკერი გიორგი ვოლსკი მწვავე, კრიტიკულ შეფასებას აკეთებს უკრაინის უმაღლესი რადას ფრაქცია ,,ხალხის მსახურის“ თავმჯდომარის დავით არახამიას ინტერვიუსთან დაკავშირებით, რომელიც ტელეკომპანია ,,მთავარი არხის“ გადაცემა ,,Post Factum”- ში გავიდა:
,,არახამია, რომელიც ჩემულობს, რომ არის ქართული სულის და ენერგეტიკის მატარებელი ადამიანი, ფაქტიურად ყველაფერს აკეთებს იმისათვის, რათა უკრაინასა და საქართველოს შორის ურთიერთობა არა თუ გაფუჭდეს, არამედ რადიკალური დაპირისპირების ფორმატში მოექცეს.
არავითარი სანქციები არახამიას მოწოდებით ან შეძახილით, ან მისი გაფრთხილებით, ან მისი ლოალობით არც წესდება და არც მისი პრევენცია ხდება.
არახამია ამოვარდნილია ყველანაირი ფორმატიდან, რასაც ჰქვია ქართულ-უკრაინული ურთიერთობები. რაც მთავარია ამოვარდნილია იმ ფორმატიდან, რასაც ჰქვია უკრაინის ინტერესები.
ის სწორედ იმას ახმოვანებს, რაც ე.წ. რადიკალურ ოპოზიციას სჭირდება“, – განაცხადა გიორგი ვოლსკიმ.
ინფორმაციისთვის – დავით არახამია ,,მთავარი არხის“ გადაცემაში ,,Post Factum” საქართველოს ხელისუფლების წარმომადგენლებს მიმართავს:
,,ბიჭებო, პირდაპირ გეუბნებით, ცოტა აკურატულები იყავით თქვენს გამონათქვამებში. იმიტომ, რომ მარტო ივანიშვილი არ იქნება სანქციების სამიზნე. ეს შეეხება როგორც ბიზნეს გარემოცვას, ისე პოლიტიკოსებსაც“, – განაცხადა დავით არახამიამ.
ავტორი
ნინი ხიჯაკაძე
