ტელეკომპანია “იმედის” ეთერში გასულ ფარულ ჩანაწერს, რომელიც “ნაციონალური მოძრაობის” თავმჯდომარეს, ნიკა მელიას მიერ ხალხთან შეხვედრისას დაფიქსირებულ კონკრეტულ მოსაზრებას ეხებოდა, ეხმაურება ანალიტიკოსი, პოლიტოლოგი გია ხუხაშვილი:
“სპეცსამსახური პოლიტიკოსის ხალხთან საუბარს რომ ჩაწერს, ეს ვაია, ხოლო მერე ამას ტვ რომ “გაასკანდალებს” ე.წ. “ჩორტის ჩაგდების” მიზნით, ეს ვუია…” – წერს ფეისბუქის პირად გვერდზე გია ხუხაშვილი.
ინფორმაციისთვის: ტელეკომპანია “იმედის” ეთერში გავიდა “ნაციონალური მოძრაობის” თავმჯდომარის ნიკა მელიას ხალხთან საუბრის ფარული ჩანაწერი, სადაც ოპოზიციური პარტიის ლიდერი სხვა საკითხებთან ერთად მიხეილ სააკაშვილის საქართველოში ჩამოსვლის თაობაზეც აფიქსირებს პოზიციას. მედიაში გასული აღნიშნული რეპორტაჟის შემდეგ საკითხთან დაკავშირებით სოციალურ ქსელში დეტალური განმარტებები გააკეთა ნიკა მელიამ.
