პარტია ,,ევროპული საქართველოს“ თავმჯდომარე გიგა ბოკერია უკრაინის ელჩთან მხარდაჭერის დასაფიქსირებლად მივიდა. ჟურნალისტებთან გაკეთებულ კომენტარში აღნიშნავს, რომ როცა სტრატეგიული პარტნიორი, მეგობარი უკრაინა განსაკუთრებულ განსაცდელშია, ამ დროს აუცილებელია სათანადადო რეზოლუცია, მხარდაჭერა:
,,ყველა ნორმალური პოლიტიკური ძალის ინტერესია კომუნიკაცია ამ დროს ჩვენს სტრატეგიულ მოკავშირესთან, მეგობართან – უკრაინასთან, რომელიც განსაკუთრებულ განსაცდელშია.
ეს ყველაფერი კიდევ უფრო გამძაფრებულია იმ სირცხვილით, რაც ჩვენ გვაჭამა ჩვენმა მთავრობამ, ყველას თვალში და ამას ვერ გამოასწორებს ოპოზიციის ან საზოგადოების აქტიურობა, სანამ მთავრობას არ გამოვცვლით. მაგრამ, სანამ არ გამოვცვლით სამარცხვინო გაუგებრობას, ბუნებრივია, ჩვენი ხმა მაინც უნდა გავაგონოთ ყველა ასპარეზზე, სადაც ეს ჩვენ შეგვიძლია.
კონიუნქტურის განცდაც კი ვერ ეყოთ, რომ რუსეთი ეხსენებინათ მაშინ, როდესაც რეალურ ნაბიჯებს არ დგამენ. ანუ საპარლამენტო რეზულუცია ამას ვერ უშველიდა. ნორმალური საპარალმენტო რეზოლუციაც კი, თუ ის მთავრობას, აღმასრულებელ ხელისუფლებას არ ავალდებულებდა, რომ ემოქმედა“, – განაცხადა გიგა ბოკერიამ.
ავტორი
ნინი ხიჯაკაძე
