ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი სანატორიუმ “ქართლში” მომხდარ ტრაგედიასთან დაკავშირებით აცხადებს, რომ პირველადი ინფორმაციით ეს არის უბედური შემთხვევა. მინისტრის ინფორმაციით, მომდევნო 3 წლის განმავლობაში, დევნილები – 13 000 ოჯახი იქნება უზრუნველყოფილი ბინით:
,,სამინისტროში ჩემი მისვლის პირველივე დღიდანვე იმართება კონსულტაციები და ჩვენ გვაქვს კონკრეტული ხედვა და გეგმა, თუ როგორ უნდა ვუზრუნველყოთ დევნილები. ის პრიორიტეტები, რაც გვაქვს დასახული მომდევნო 3 წლის განმავლობაში – 13 000 ოჯახი ვუზრუნველყოთ ბინით.
ზუსტად ვიცით, როგორ გავაკეთოთ ეს, რა გეგმებს უნდა მივყვეთ და იმ შეხვედრაზე შეთანხმდნენ, რომ პერიოდულად დევნილებს ეცნობებათ ამ პროცესის მიმდინარეობის სტატუსი. ჩვენ გამჭვირვალედ მივყვებით ამ პროცესს და იმ დათქმულ ვადებში ამ პირობებს შევასრულებთ.
გარდაცვალებასთან დაკავშირებით გამოძიება მიმდინარეობს და პირველადი ინფორმაციით ეს არის უბედური შემთხვევა. ჩემი თხოვნა იქნება, რომ გამოძიების შედეგებს დაველოდოთ. ნუ დავაკავშირებთ ამას დევნილების პრობლემასთან“, – განაცხადა ზურაბ აზარაშვილმა.
ავტორი
ნინი ხიჯაკაძე
