კორონავირუსის “ომიკრონის” შტამის საქართველოში გავრცელებასთან დაკავშირებით განმარტებები გააკეთა დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა ამირან გამყრელიძემ:
“ევროპის რეგიონში “ომიკრონი” დომინანტური შტამი გახდება უკვე იანვრის შუა რიცხვებიდან, ასეთია პროგნოზი. ამ ეტაპზე გამოვლენილი ფაქტები ძირითადად საშუალო სიმძიმისაა.
მე ორშაბათს გავაკეთე განცხადება საქართველოში გამოვლენილი “ომიკრონის” 2 შემთხვევის თაობაზე, ფაქტი კიდევ ერთხელ გადამოწმდა და დადასტურდა. ორივე ინფიცირებული ახალგაზრდა ადამიანია 24 წლის ქალბატონი და 26 წლის მამაკაცი – საქართველოს მოქალაქეები. ერთს აქვს მოგზაურობის ისტორია აშშ-ში, მეორეს – ლივანში. მათ ჰქონდათ საკმაოდ ბევრი კონტაქტები, რომელთა კვლევის შედეგად დავადასტურეთ დამატებით 22 შემთხვევა, რომელთაგან ზოგიერთი არის მანამდე გამოვლენილი 2 შემთხვევის კონტაქტი, მაგრამ, ამავე დროს, არის დამოუკიდებელი შემთხვევები და თითქმის ყველა არის შემოტანილი. 9 შემთხვევა შემოსულია დუბაიდან, ერთი თვითმფრინავით. ესენი არიან ადამიანები, ვინც ძირითადად “ფორმულა 1”-ის შეჯიბრზე გახლდნენ. 1 შემთხვევა შემოსულია ბუდაპეშტიდან, 1 – ლონდონიდან და 2 შემთხვევა გახლავთ, თურქეთის გავლით, აფრიკის ქვეყნებიდან. 1 შემთხვევა არის აშშ-დან.
ყველა ეს შემთხვევა არის დღეს ამბოლატორიული, არცერთს არ დაჭირდა სტაციონარი, არის მცირე ტემპერატურული მატება. ერთგან იყო მხოლოდ მაღალი ცხელება, თუმცა ჰოსპიტალიზაცია არცერთს არ დასჭირდა და არიან სახლში დაკვირვების ქვეშ. ამასთანავე, ამათი დაახლოებით 53 კონტაქტის კვლევა ხდება ჩვენი ლაბორატორიული სამსახურების მიერ,” – განაცხადა ამირან გამყრელიძემ.
