,,ერთიანი ნაციონალური მოძრაობის“ პოლიტიკური საბჭოს წევრი ლევან ხაბეიშვილი მწვავე პოზიციას აფიქსირებს პარტიის თავმჯდომარის ნიკა მელიას სუს-ში გამოკითხვაზე დაბარების ფაქტთან დაკავშირებით. მისი თქმით, მმართველი პარტია აპირებს ყველა იმ ადამიანზე საქმეების აღძვრას, რომლებიც მათ არ ემორჩილებიან:
,,ასეთ საქმეებზე, რაღაც შეთითხნილ ბრალდებებზე ქმნიან სიტუაციას, რომ თითქოს ვიღაცა რაღაცას ატრიალებს და ამასობაში ჩვენ ვხედავთ დამატებით პოლიტიკურ დევნას. ახლა კიდევ, ერთხელ ,,ნაციონალური მოძრაობის” თავმჯდომარეზე, ნიკა მელიაზე.
დიქტატურის წარმოუდგენელი მასშტაბებია ამ ქვეყანაში. გარდა იმისა, რომ ჩვენი პარტიის ლიდერი მიხეილ სააკაშვილი ტყვედ ჰყავთ აყვანილი.
ეს ჰგავს ისტერიკაში, პანიკაში მყოფი ხელისუფლების გადაწყვეტილებას, რომელიც წამსვლელია აბსოლუტურად ყველაფერზე, ვინც მათსავით არ ფიქრობს; ვინც შესაძლოა ლიდერი იყოს ოპოზიციური მიმართულებით.
ისინი აპირებენ, სავარაუდოდ, დაიჭირონ, დააპატიმრონ, საქმეები აღძრან ყველა იმ ადამიანზე, რომელიც არ ემორჩილება მათ“, – განაცხადა ლევან ხაბეიშვილმა.
ავტორი
ნინი ხიჯაკაძე
