“მნიშნელოვანია გვესმოდეს, რომ მიხეილ სააკაშვილის მიმართ სახელმწიფოს მოპყრობა არის ნამდვილად ღირსების შემლახველი…” – ხატია დეკანოიძე

,,ერთიანი ნაციონალური მოძრაობის“ პოლიტიკური საბჭოს წევრმა ხატია დეკანოიძემ გორის ჰოსპიტალში საქართველოს მე-3 პრეზიდენტი მიხეილ სააკაშვილი მოინახულა და მის შესახებ ისაუბრა, ჟურნალისტებთან გაკეთებულ კომენტარში:

,,მე გუშინაც მოგახსენეთ, რომ ნამდვილად სუსტად მეჩვენა. ახლაც სუსტად არის, სამედიცინო პროცედურების ჩატარება დაიწყეს ექიმებმა.

ვისაუბრეთ ძალიან ბევრი, საქართველოში მიმდინარე მდგომარეობაზე, მათ შორის იმაზე, თუ რა რეალური მესიჯები უნდა გავუგზავნოთ ჩვენს საერთაშორისო პარტნიორებს. იცით, რომ ძალიან მძიმე მოვლენები ვითარდება საქართველოში.

ზოგადად, რა თქმა უნდა, განიცდის იმ პროცესებს, რომელიც არსებობს უშუალოდ ადამიანებთან დაკავშირებული, მაგრამ ასევე ძალიან მნიშნელოვანია გვესმოდეს, რომ მიხეილ სააკაშვილის მიმართ სახელმწიფოს მოპყრობა არის ნამდვილად ღირსების შემლახველი, არა ადამიანური, რაც დადასტურებულია კიდევაც საერთაშორისო, ძალიან მძლავრი რეპუტაციის მქონე ორგანიზაციების მიერ“, – განაცხადა ხატია დეკანოიძემ.

ავტორი
ნინი ხიჯაკაძე