ოპოზიციონერი ლიდერი გიგი უგულავა მიხეილ სააკაშვილის სასამართლო პროცესის დღეს მარნეულის დროებით იზოლატორში გადაიყვანეს. დღეს კი 3000 ლარიანი ჯარიმის საფუძველზე განათავისუფლეს. მისი თქმით, ესეთი დაჯარიმებებით და დაკავებებით ცდილობს ხელისუფლება, დააშინოს აქტივისტები:
,,ესენი ერთ ტანდემში ერთიან რეჟიმს წარმოადგენენ და ნოტარიალურ კანტორად არის გადაქცეული ეს ყველაფერი. 3000 ლარი 48 საათზე რომ გავყოთ, მარნეულის ,,კაპეზე” 1500 ლარი გამოვიდა – ერთი კაი ხუთვარსკვლავიანი სასტუმროს ფასი გამოიყვანეს.
ეს ხუმრობა რომ გვერდზე გადავდოთ, ხელისუფლება ცდილობს, ასეთი დაჯარიმებებით, დაკავებით დააშინოს სამოქალაქო აქტივისტები, პოლიტიკური პარტიის წარმომადგენლები.
აბსოლუტური სიბრიყვეა ეს. რაც უფრო მეტს დაიჭერენ, რაც უფრო ბევრი იქნება აი ასეთი ბრუტალური მოქმედებები, საზოგადოებისგან პასუხი იქნება შესაბამისი, რაც უფრო გაწელავს ხელისუფლება ზამბარას, მით უფრო მტკივნეულად მოხვდება ეს ზამბარა მათ”, – განაცხადა გიგი უგულავამ.
ავტორი
ნინი ხიჯაკაძე
