“ვადასტურებ, რომ ირაკლი ღარიბაშვილს იმ პერიოდში არანაირი კომპეტენცია არ გააჩნდა იმ ფინანსურ საკითხებთან დაკავშირებით, რომლებზეც საუბრობდა ბიძინა ივანიშვილი” – გიორგი ვოლსკი

ბერმუდის კუნძულების სასამართლოში ჩვენების მიემისას ბიძინა ივანიშვილმა ორაკლი ღარიბაშვილთან დაკავშირებით აღნიშნა, რომ იგი არ იყო ავტორიტეტი და მას კომპეტენცია არ გააჩნდა იურიდიულ და ფინანსურ საკითხებში. აღნიშნულთან დაკავშირებით კომენტარი გააკეთა პარლამენტის პირველმა ვიცე-სპიკერმა გიორგი ვოლსკიმ:

“მე ვადასტურებ, 2011 წლიდან ვიცნობ ირაკლის. იგი საკმაოდ ღირსეულად მუშაობდა. საკმაოდ ეფექტური იყო “ქართუ ჯგუფში” მისი საქმიანობა, მაგრამ ვადასტურებ, რომ იმ პერიოდში არანაირი კომპეტენცია არ გააჩნდა იმ ფინანსურ საკითხებთან დაკავშირებით, რომლებზეც საუბრობდა ბიძინა ივანიშვილი და აძლევდა ჩვენებას სასამართლოს.

რა საკვირველია, მე არ ვიცი რამ წარმოშვა ეგ საკითხი, მაგრამ დახასიათება იმ პერიოდის ირაკლი ღარიბაშვილის საქმიანობისა და არა მისი პიროვნებისა ზუსტად ეგ არის, რომ მას არანაირად ხელი არ მიუწვდებოდა იმ საკითხებზე, რაზედაც სასამართლოში არის საუბარი,” – განაცხადა გიორგი ვოლსკიმ.

ავტორი
ნინი ხიჯაკაძე