,,ერთიანი ნაციონალური მოძრაობის“ პოლიტიკური საბჭოს წევრმა ხატია დეკანოიძემ მიმდინარე პოლიტიკური პროცესების შეფასებისას განაცხადა, “ქართული ოცნების” ხელისუფლების პირობებში საქართველო ჩაიკარგა და დღეს ქვეყნის დემოკრატია საჭიროებს გადარჩენას:
,,ძალიან მნიშვნელოვანია, რომ იმ რთულ სიტუაციაში, რომელიც არის დღეს მსოფლიოში და რეგიონში, საქართველო – არ ჩაიკარგოს. რაც, სამწუხაროდ, მოახერხა ამ ხელისუფლებამ!
საქართველოს დემოკრატია საჭიროებს გადარჩენას, მაგრამ ეს უპირველეს ყოვლისა უნდა მოვახერხოთ ჩვენ, საქართველოს მოსახლეობამ. რა თქმა უნდა, ზეწოლაც გაიზრდება ჩვენი სტრატეგიული პარტნიორებისგან.
მე დარწმუნებული ვარ, რომ დადგება დღე, როდესაც სანქციების სიაში მოხვდება ყველა ის ადამიანი, ვინც ადამიანის უფლებებს და საქართველოს მე-3 პრეზიდენტის უფლებებს ასე არღვევდა’’, – განაცხადა ხატია დეკანოძემ.
ავტორი
ნინი ხიჯაკაძე
