შაბათი, მარტი 15, 2025
21.8 C
Tbilisi
spot_img
მთავარიპოზიცია და შეფასებები"ბოლო პერიოდში ჩვენ სახეზე მივიღეთ ქვეყანაში შიმშილობის ეპიდემია,...

“ბოლო პერიოდში ჩვენ სახეზე მივიღეთ ქვეყანაში შიმშილობის ეპიდემია, რომელიც ნამდვილად იყო დაუშვებელი” – ეკატერინე ტიკარაძე

ჯანდაცვის მინისტრმა ეკატერინე ტიკარაძემ ჟურნალისტებთან კომენტარი გააკეთა მიხეილ სააკაშვილის გორის ჰოსპიტალში გადაყვანის გადაწყვეტილებასთან დაკავშირებით. მისი თქმით, მე-3 პრეზიდენტს გლდანის მე-18 დაწესებულებაში უტარდებოდა ყველა საჭირო პროცედურა, ხოლო საზოგადოებაში არსებული მღელვარება არ იყო აუცილებელი. მმართველი გუნდის წევრმა ხაზი გაუსვა ექიმების მიერ გაწეულ სამსახურს და მადლობა გადაუხადა, ხოლო იმედი გამოთქვა, რომ საპროტესტო აქციები ჩაიხშობა:

,,პირველ რიგში, აუცილებლად საზოგადოებას უნდა გავაცნოთ იმის შესახებ, რომ ექიმები, რომლებიც მუდმივ რეჟიმში მეთვალყურეობას უწევდნენ პაციენტს, მე მინდა, მათ მადლობა გადავუხადო. ყველა იმ ექიმს, რომელიც მონაწილეობდა იმ შექმნილ კონსილიუმებში. მათი როლი იყო ძალიან დიდი და მნიშვნელოვანი. ასევე, ძალიან დიდი მადლობა მინდა გადავუხადო ყველა იმ ექიმს, რომელიც უშუალოდ იყო ჩართული მკურნალობის პროცესში. მათ ნამდვილად აიღეს ძალიან მაღალი პასუხისმგებლობა, გამოიჩინეს მაღალი პროფესიონალიზმი და განვლეს ძალიან რთული გზა, ვინაიდან ისინი იყვნენ ბულინგის მხსვერპლი და მნიშვნელოვანი არის ჩემთვის, რომ საზოგადოებამ გაითვალისწინოს, ექიმის პროფესია ძალიან რთული.

ჩვენ არ ვარჩევთ პაციენტს და ყოველთვის ვიღებთ გადაწყვეტილებას პაციენტის სასარგებლოდ! პაციენტს, როგორც რუსთავის ასევე, მე-18 დაწესებულებაში უტარდებოდა ყველა ის საჭირო ღონისძიება, რომელიც მის ჯანმრთელობის მდგომარეობას ესაჭიროებოდა.

ნამდვილად არ იყო საჭირო ის მღელვარება, რომელიც საზოგადოებაში მუდმივად ისმოდა. ასევე, მნიშვნელოვანი არის, რომ ბოლო პერიოდში ჩვენ სახეზე მივიღეთ ქვეყანაში შიმშილობის ეპიდემია, რომელიც ნამდვილად იყო დაუშვებელი. ჩვენ მიუხედავად იმისა, რომ ვცდილობდით ყველა მოშიმშილესთვის მიგვექცია ყურადღება, ბოლო პერიოდში მნიშვნელოვნად გაუარესდა ჩვენი ბევრი დეპუტატის ჯანმრთელობის მდგომარეობა.

თქვენ იცით, რომ მიღებული იქნა გადაწყვეტილება მე-3 პრეზიდენტი გადმოყვანილი იყოს გორის ჰოსპიტალში, სადაც მას გაეწევა ყველა ის საჭირო დამატებითი ღონისძიებები, რომელიც ექიმების დანიშნულებიდან არის მიღებული, როგორც რეკომენდაცია. მან დადო პირობა, რომ ამ ნიშნით ის შეწყვეტს შიმშილობას და შესაბამისად, შიმშილობების ის კასკადი, რომელიც ჩვენ გვქონდა მიღებული, ასევე, შეწყდება ქვეყანაში.

მე ძალიან დიდი იმედი მაქვს, რომ შემდგომშიც საზოგადოება და პოლიტიკოსები გამოიჩენენ მაღალ პასუხისმგებლობას და ჩვენ თავს ავარიდებთ ნებისმიერ საპროტესტო აქციას. შევძლებთ დავიწყოთ კორექტული დიალოგი“, – განაცხადა ეკატერინე ტიკარაძემ.

ავტორი
ნინი ხიჯაკაძე

კომენტარები - დატოვეთ თქვენი მოსაზრება
spot_img

მსგავსი სტატიები

“რუსული რევანშიდან 13 წლის თავზე, რუსქოცებმა სიმბოლური 9 წელი მიუსაჯეს სააკაშვილს 9 მილიონი ლარის(!)...

,,ჭავჭავაძის კვლევითი ცენტრის” დამფუძნებელი, ზაზა ბიბილაშვილი სოციალურ ქსელში სტატუსს...

“ყოველგვარი წინაპირობის, ანგარიშის და მონიტორინგის გარეშე მივიღეთ სრული აკრედიტაცია” – ნინო დობორჯგინიძე

ილიას სახელმწიფო უნივერსიტეტის რექტორი, ნინო დობორჯგინიძე კომენტარს აკეთებს ილიაუნისთვის...

კახა კალაძე ოპოზიციაზე: “ისინი დარწმუნებულები არიან, რომ თვითმმართველობის არჩევნებში განწირულნი არიან მარცხისთვის”

თბილისის მერის განცხადებით, ოპოზიცია დარწმუნებულია, რომ თვითმმართველობის არჩევნებში არანაირი...

spot_img

"პარალელის" გამოკითხვა

დღის პოპულარული

“ეს ქვეყანა და ჩვენი მომავალი გადაყვა ოპოზიციის შიდა კინკლაობებს, ეგოებს და თავის დაფასებებს” –...

პოლიტიკური პარტია “სტრატეგია აღმაშენებლის” მედიასთან და საზოგადოებასთან ურთიერთობის სამსახურის...

“მადლობა ყველას, ახლა მხოლოდ ერთობა და სოლიდარობა გადაგვარჩენს!❤️” – თემურ ჯანაშია

სახელმწიფო დაცვის სპეციალური სამსახურის ყოფილი უფროსი, პარლამენტის ყოფილი დეპუტატი...

“ბიძინა ვადამდელ არჩევნებს მხოლოდ იმ შემთხვევაში დანიშნავს, თუ…” – არჩილ გამზარდია

ანალიტიკოსი, ჟურნალისტი არჩილ გამზარდია თავის მოსაზრებებს გამოთქვამს საქართველოში ახალი...