სპეციალური პენიტენციური სამსახურის მიერ მიხეილ სააკაშვილის მე-12 პენიტენციური დაწესებულებიდან მე-18 ბრალდებულთა და მსჯავრდებულთა სამკურნალო დაწესებულებაში ტრანსპორტირების და ე.წ. დანიშნულების ადგილიდან პატიმრის პროტესტის კადრების გავრცელებასთან ერთად უწყებამ განმარტება გააკეთა, რომ საქართველოს მე-3 პრეზიდენტი არ ემორჩილებოდა დაწესებულების თანამშრომლების კანონიერ მითითებებს, იქცევოდა აგრესიულად და მათ სიტყვიერ შეურაცხყოფას აყენებდა.
გავრცელებულ კადრებში ჩანს, რომ მიხეილ სააკაშვილი კატეგორიულ უარს აცხადებს რეანომობილის დატოვებაზე, მწვავედ მიმართავს სამსახურის თანამშრომლებს და მოითხოვს რუსთავის მე-12 პენიტენციური დაწესებულებაში დაბრუნებას:
„მე არ ვაღიარებ არცერთ პროცედურას, არ გადმოვალ ჩემი ნებით!” – განაცხადა მიხეილ სააკაშვილმა.
“თქვენს ოჯახს უნდა ვაცნობოთ და ადვოკატებიც უნდა შემოვიდნენ“, – სამსახურის თანამშრომლის ამ ნათქვამის თუ სხვა შეთავაზებების პასუხად მიხეილ სააკაშვილს ჰქონდა მწვავე რეაქცია:
“ადვოკატები და ჩემი ოჯახი მოვა აქ… რას აცნობებთ?! თქვენ აქ ჩადიხართ… თქვენ ხართ დიქტატორის მსახურები
არსად წამოვწვები და არაფერს არ გავაკეთებ. მე თქვენ არ გესალმებით. შენა ხართ პუტინის მონა. რას ნიშნავს დავმშვიდდე?! პუტინის ბრძანებას ასრულებთ. მე არ დავმშვიდდები, ლეკვო ივანიშვილის. რა უნდა დავმშვიდდე?! წამიყვანეთ ახლავე უკან, რუსთავის ციხეში! მომისმინეთ კარგად – არცერთ ნაბიჯს არ გადავდგამ ჩემი ფეხით, ვერ მიმიერთებთ მავთულს, ჩემი ნებით არცერთ სამედიცინო პროცედურას არ ჩავიტარებ, არ დავმშვიდდები! თქვენ ახლა ასრულებთ პუტინის ბრძანებას.
თქვენ ხართ ნამდვილი, უკანასკნელი ნაძირლები! თქვენ არა ხართ ადამიანები, შენ ხარ მკვლელი, თქვენს შვილთაშვილებს გაყვება ის, რომ ხარ მკვლელი ხართ. ყველანი ხართ მკვლელები! მე აქედან, ჩემი ფეხით, არ ჩამოვალ. წამიყვანეთ უკან რუსთავის ციხეში!
არ მაინტერესებს თქვენი პოზიცია, საერთოდ არ მაინტერესებს. შენ პუტინის ნაძირალა ჯალათო. შენ ნაძირალა მკვლელო. რა გქვია, მითხარი. შენისთანა ქართველები არიან, რომ პუტინს საქართველოს აბარებენ“, – განაცხადა მიხეილ სააკაშვილმა.
