ველური ბუნების ეროვნული სააგენტოს კიდევ ერთი საინტერესო მასალა – გაიცანით კრწანისის ტყეპარკის მობინადრე ფრინველი ოქროსფერი კვირიონი (კვირიონი) – European bee-eater (Merops apiaster)
სხეულის სიგრძე: 25-29 სმ, ფრთების შლილი: 36-40 სმ. დამახასიათებელია სხეულის ნაირფერი შეფერილობა. ზურგი, კეფა, თხემი და ფრთის მფარავები წაბლისფერია. პირველი რიგის მომქნევები და სხეულის ქვედა ნაწილი მოლურჯოა, ყელი ყვითელია, ნისკარტი და თვალზე გამავალი ზოლი – შავი, თვალი წითელია, კუდზე შუა ბუმბულები წაგრძელებულია. ახალგაზრდა ფრინველი შედარებით ბაცია და ზემოდან მომწვანო ფერისაა.
ბუდობს კოლონიებად. ბუდეს იკეთებს ფლატეებზე თავისსავე გათხრილ სოროში. მაისში დებს 5-6 კვერცხს.
მისი ჰაბიტატია მდინარეების თიხიანი, კლდიანი ნაპირები, თიხიანი და ქვიშიანი მშრალი ხევები და ქარსაცავი ზოლები გაშლილ ადგილებში.
IUCN-ის სტატუსი: LC
P.S. გავრცელებული ინფორმაციით აღნიშნული ფრინველი ანადგურებს ფუტკარს…
