პოლიტიკური პლატფორმა ,,მესამე ძალა – სტრატეგია აღმაშენებლის” წევრი, ადგილობრივი თვითმმართველობის არჩევნებში მთაწმინდის მაჟორიტარობის ყოფილი კანდიდატი ირაკლი გოგუაძე კომენტარს აკეთებს ქვეყანაში მიმდინარე პოლიტიკურ პროცესებთან დაკავშირებით, ხაზგასმით აღნიშნავს და აღშფოთებას გამოთქვამს იმის გამო, რომ მმართველი ხელისუფლების პოლიტიკის გამო ახალგაზრდების დიდი ნაწილი საქართველოს ტოვებს:
,,არჩევნების შემდეგ ხშირად მესმის ჩემი თაობის წარმომადგენლებისგან – მივდივარ ზაფხულში, მივდივარ აპრილში, მაისში, ივნისში – რაც ჩემი აღშფოთების საფუძველი გახდა, სიმართლე გითხრათ!
ახალგაზრდები რომ გარბიან საქართველოდან, ყველამ ვიცით დიდი ხანია, მაგრამ ასეთი მასშტაბი, როგორც ახლა არის, არასდროს მინახავს. “ქართულმა ოცნებამ”, საქართველოს რუსულმა ხელისუფლებამ მოახერხა ის, რომ ამ ქვეყნის მომავალი გაიქცეს სამშობლოდან.
მინდა მივმართო ყველას, რომ საქართველოს ისტორიაში ყველა გამარჯვება ახლაგაზრდების აქტიური ჩართულობით მოხდა. ყოველთვის უჭირდა ქვეყანას ახალგაზრდების გარეშე და ყოველთვის იმარჯვებდა ახალგაზრდებთან ერთად!
სწორედ ამიტომ მოგიწოდებთ ყველას: ჩვენი ქვეყანა ამათ ხელში არ უნდა დარჩეს და ვერავინ დაიხსნის ჩვენს გარდა! დღეს ყველა ერთად უნდა ვიყოთ! ყველა განსხვავებული აზრის მქონე უნდა გავერთიანდეთ და ვიბრძოლოდ ჩვენი ქვეყნის გადასარჩენად! არ გავიქცეთ, დავრჩეთ და დავიცვათ სამშობლო.
ერთიანობის ყოველთვის ეშინია მოძალადე ხელისუფლებას და სწორედ ერთიანობით დავასრულებთ რუსულ ოცნებას!“, – განაცხადა ირაკლი გოგუაძემ.
ავტორი
ნინი ხიჯაკაძე
