ფოთის მერობის კანდიდატმა გიგი უგულავამ პოლიტიკური შეფასება გააკეთა ქვეყანაში მიმდინარე საარჩევნო პროცესთან დაკავშირებით. კომენტარის დროს მან მოუწოდა გიორგი გახარიას პარტიის ,,საქართველოსთვის“ ამომრჩევლებს, რომ დღეს არ შეიძლება ნეიტრალური პოზიცია და აუცილებლად დააფიქსირონ საკუთარი ნება:
,,დღეს თქვენს ხელშია მეგობრებო, როგორ განვითარდება ეს ქალაქი – გავაგრძელებთ ჩვენ წრეზე ტრიალს, სტაგნაციას, უპერსპექტივობას, უმუშევრობას თუ მხარს დავუჭერთ განვითარებას!
მე განსაკუთრებით მინდა, ბატონი გახარიას პარტიის და მისი კანდიდატის ამომრჩევლებს მოვუწოდო აქტიურობისკენ.
არ არის დღეს ნეიტრალიტეტის დრო! – იმიტომ, რომ მართლაც პირდაპირი მნიშვნელობით ქალაქი და ქვეყანა არის გადასარჩენი.
დღეს განზე გადგომა არ იქნება! დღეს გვერდიდან ვერ შევხედავთ პროცესებს! ეს ქალაქი ჩვენია და არა იმ რამდენიმე ოჯახის, რომელიც მათ დაინაწილეს“, – განაცხადა გიგი უგულავამ.
ავტორი
ნინი ხიჯაკაძე
