“არ დაუშვათ, ჩვენს სამშობლოში, ჩვენს ქვეყანაში დაპირისპირება არასწორი, თაღლითური ინფორმაციის საფუძველზე” – გიორგი ვოლსკი

პარლამენტის პირველმა ვიცე-სპიკერმა გიორგი ვოლსკიმ პოლიტიკური შეფასება გააკეთა IPSOS-ის მიერ ჩატარებულ კვლევებთან დაკავშირებით და აცხადებს, რომ საზოგადოება არ უნდა მოტყუვდეს მიუხედავად იმისა, თუ რომელ მხარეს უჭერენ მხარს და მეტი ყურადღებისკენ მოუწოდებს მოსახლეობას:

,,როდესაც კვლევა და რეალობა ერთმანეთისგან ესოდენ განსხვავდება, რასაკვირველია, ორგანიზაცია, რომელიც ამ კვლევას ატარებს თაღლითობაში არის მხილებული!

ეს არის მითითება/მინიშნება იმაზე, რომ საზოგადოებას განსაკუთრებული ყურადღება მართებს, რომელ მხარესაც არ უნდა უჭერდეს მხარს.

არ დაუშვათ, ჩვენს სამშობლოში, ჩვენს ქვეყანაში დაპირისპირება არასწორი, თაღლითური ინფორმაციის საფუძველზე“, – განაცხადა გიორგი ვოლსკიმ.

ინფორმაციისთვის: ჩატარებული კვლევის შედეგებს შორის გამოვლენილი იქნა შეუსაბამობა  ტელეკომპანია “მთავარი არხის” მიერ და “იფსოსის” ვებ-გვერდზე გამოქვეყნებულ მონაცემებს შორის. აღნიშნულთან დაკავშირებით საგანგებო განცხადება გაავრცელა ტელეკომპანიამ, ხოლო “იფსოსი” შემოიფარგლა ზოგადი განმარტებებით.

“ვაცხადებთ ჩვენს პოზიციას, კომპანია იფსოსის მიერ ჩვენს შორის არსებული კონტრაქტის უხეშად და არაკეთილსინდისიერად დარღვევის ფაქტზე” – ტელეკომპანია “მთავარი არხი”

ავტორი
ნინი ხიჯაკაძე