ფოთის მერობის კანდიდატმა ,,ერთიანი ნაციონალური მოძრაობიდან“ გიგი უგულავამ ფოთის მმართველობასთან დაკავშირებით ისაუბრა და განმარტებები გააკეთა, თუ რა განსხვავებაა ერთპარტიულ და პრავალპარტიულ მმართველობას შორის. ოპოზიციონერი ლიდერის თქმით, კოალიციური მთავრობა ქვეყანაში შექმნის კორუფციის კრიზისს:
,,ცვლილებები არ არის ერთი პიროვნების მეორეთი ჩანაცვლება, ცვლილება ნიშნავს, პირველ რიგში, სისტემურ ცვლილებას იმისათვის, რომ ჩვენ არ ვიტრიალოთ ერთ წრეზე. სწორედ ამიტომ, ჩემი გამარჯვების შემთხვევაში – მე, როგორც მერობის კანდიდატი და პოტენციური ფოთის მერი ვიღებ ვალდებულებას, რომ პოლიტიკური და პროფესიული ნიშნით შევქმნათ მრავალპარტიული კოალიციური მთავრობა.
მე მინდა ფოთელებს 2 სიტყვით ავუხსნა რა განსხვავებაა და რა სიკეთე შეიძლება მოიტანოს ასეთმა მმართველობამ.
– კარგად მოგეხსენებათ, რომ ფოთს ძალიან კონკრეტული გადაუჭრელი პრობლემები აწუხებს. მაგალითად თევზის სუნი, რომელიც ნოემბრიდან მარტის ჩათვლით პრაქტიკულად არ აძლევს აქ მყოფ ადამიანებს ნორმალური სუნთქვის და არსებობის შესაძლებლობას.
კოალიციური მართვის შემთხვევაში, თუნდაც ერთი სამსახური, ან თუნდაც მერი, თუ გაბედავს და შეეკვრება იმ ადამიანებს, რომლებიც ამას სჩადიან და ყველამ კარგად იცის, ფოთში ვინ აკეთებს ამას – მას კოალიციის სხვა პარტნიორები არ მისცემენ უფლებას.
შესაბამისად, შეიქმნება კრიზისი. კრიზისი ამ შემთხვევაში არის ის, რაც გამორიცხავს გინდა მერისგან, ან მისი მოადგილისგან ისეთ ქმედებას, რომელიც საზოგადოების წინააღმდეგ იქნება მიმართული; როდესაც, დღევანდელი მერი პირდაპირ არის დამნაშავე, სამწუხაროდ, ბავშვების და მოსახლეობის მოწამლვაში; კოალიციის შემთხვევაში არც ერთი კოალიციის პარტნიორი მას ამის უფლებას არ მისცემდა.
კოალიციური მართვის შემთხვევაში, ძალთა ბალანსი, სწორედ ერთმანეთის ინტერესებს შორის განსხვავება და საერთო საქმის მიმართ ერთგულება გვაძლევს იმ ბალანსს, რომელიც მოვცემს განვითარების შესაძლებლობას“, – განაცხადა გიგი უგულავამ.
ავტორი
ნინი ხიჯაკაძე
