დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა ამირან გამყრელიძემ კომენტარი გააკეთა კორონავირუსის პანდემიის ახალ ტალღასთან დაკავშირებით, აღნიშნა, რომ სიტუაცია უარესდება და მიზანშეწონილად მიაჩნია ვაქცინაცია გახდეს სავალდებულო:
,,დაიწყო, მე-5 ტალღის ყველა მონაცემი უკვე არის! უარესდება სიტუაცია. ეს დელტა შტამი ძალიან ვერაგი აღმოჩნდა. ასეთი 2 თვიანი ციკლები ახასიათებს და საკმაოდ მაღალი ნიშნულიდან დაიწყო.
შემთხვევათა რაოდენობა, დღეს ორშაბათია და ამიტომ კვირას ცოტა ნაკლები იყო – 2400-ის ფარგლებში. იმიტომ, რომ მიმართვიანობა იკლებს და ტესტებიც ნაკლებია, მაგრამ ბოლო კვირაში მერყეობს უკვე 4000–5000-ის ფარგლებში.
იცით, რომ მე მომხრე ვარ სავალდებულო ვაქცინაციის. ეს არის პირადად ჩემი მოსაზრება, მისი შემოღების. პირველ რიგში, უნდა ვუჩვენოთ მაგალითი ჩვენ, ანუ სამედიცინო პერსონალმა და მასწავლებლებმა. იმიტომ, რომ სწავლა მთავარია! თუ ვიქნებით ყველა აცრილი, მაშინ დასწრებული სასწავლო პროცესი არ შეჩერდება“, – განაცხადა ამირან გამყრელიძემ.
ავტორი
ნინი ხიჯაკაძე
