საქართველოს პრემიერ-მინისტრი მედიასთან სკანდალურ განცხადებას აკეთებს მიხეილ სააკაშვილის საქართველოში დაბრუნებასთან დაკავშირებით. ირაკლი ღარიბაშვილი აცხადებს, რომ საქართველოს მე-3 პრეზიდენტს დაგეგმილი ჰქონდა მკვლელობების განხორციელებაც, თუ ყველაფერი მისი ჩანაფიქრის მიხედვით წავიდოდა. მთავრობის მეთაურის გაკვირვება და გაღიზიანება გამოიწვია თანამდებობის დატოვების შესახებ დასმულმა შეკითხვამ და განმარტავს, რომ ეს არის დეზინფორმაცია:
,,მე აღარ მინდა უბრალოდ პატიმარზე ვილაპარაკო ამდენი. საკმარისია! – მე ვფიქრობ, ძალიან ბევრი განცხადებაც გაკეთდა, ბევრი ემოციებიც დავხარჯეთ. ახლა საქმეზე არის კონცენტრირება საჭირო.
პატიმარი სააკაშვილი საქართველოში ჩამოვიდა მხოლოდ და მხოლოდ ერთი მიზნით მოეხდინა დესტაბილიზაცია, არეულობა და ძალიან მძიმე პროვოკაცია, მათ შორის, მკვლელობების განხორციელებაც, თუ რა თქმა უნდა, ისე მოხდებოდა როგორც მას ჰქონდა ჩაფიქრებული.
მადლობა ღმერთს, ჩვენ ეს დიდი განსაცდელი და პროვოკაცია ავარიდეთ ქვეყანას და ჩვენს მოსახლეობას!
რაც შეეხება ზოგადად მოწოდებებს ეკლესიის წარმომადგენლების მხრიდან, რა თქმა უნდა, ჩვენ გვესმის, რომ ეს ყველას სურვილი არის, ჩვენი სურვილიც არის, რომ ერთ დღეს ეს ადამიანები დაფიქრდნენ საკუთარ შეცდომებზე, დანაშაულებზე და მართლაც, გაიაზრონ პასუხისმგებლობა ჩვენი ქვეყნის და ხალხის წინაშე“, – აღნიშნა ირაკლი ღარიბაშვილმა.
ჟურნალისტის შეკითხვაზე მეორე ტურის შემდეგ იგეგმება თუ არა მისი გადაყენება და ვინ მოისაზრება პრემიერ-მინისტრის პოსტზე, პასუხობს ირაკლი ღარიბაშვილი:
“იმის მიუხედავად, რომ ეს არაერთგზის, არაერთხელ განმარტა ჩვენმა პარტიამ თუ გუნდის წევრებმა – თქვენ მაინც რაღაც უსუსურ პროვოკაციას და დეზინფორმაციას ავრცელებთ.
თქვენ არ იცით, რომ ასე ვთქვათ, უკვე გუშინ გადავდექი მაგალითად. იცით ეს?!“, – განმარტებებთაბ ერთად, ირონიულად პასუხობს მთავრობის მეთაურმა.
ავტორი
ნინი ხიჯაკაძე
