“საერთო-სახალხო მოძრაობის” ორგანიზებით საქართველოს მე-3 პრეზიდენტ, მიხეილ სააკაშვილის გათავისუფლების მოთხოვნით, პარლამენტის წინ, საპროტესტო აქცია გაიმართა, სადაც ორგანიზაციის დამფუძნებელმა თაკო ჩარკვიანმა თბილისის მერობის კანდიდატს ნიკა მელიას მიმართა:
,,თქვენ არ მოდიხართ, მაგრამ მე ყველგან მოვალ საქართველოსთვის!
ჩვენ – აქ მყოფები, ყველგან მოვალთ და ვინმემ კარგად უნდა გაანალიზოს, მათ შორის, ნიკა მელიამაც, რომელსაც მე ვემხრობი, თბილის ქალაქის მერობა რომ გადაწყვიტე – აქ უნდა იყო! აქ უნდა ყოფილიყავი.
მე შენ განზრახ აღარ დაგირეკე. აქედან მოგმართავ, ეს იყო ჩემი გამოცდა შენდამი! შენს მამას თბილის ქალაქში ასიანზე აქვს გამოცდა ჩაბარებული. შენ ჯერ არ ჩაგიბარებია. მინდა, რომ 30-მდე მაგრად ჩააბარო, თორემ თბილისმა 2-იანის დაწერა იცის! – მე გეუბნები ამას შენ“, – განაცხადა თაკო ჩარკვიანმა.
ავტორი
ნინი ხიჯაკაძე
