“ქვეყანას ისე შემოეჩვია არაკანონზომიერი სიკვდილი, რომ ჩვენ არ გვაქვს უბრალოდ გაოგნებული ჯდომის და მხოლოდ გლოვის დრო” –

ბათუმში მომხდარ ტრაგედიას ეხმაურება ფსიქოლოგი, არტთერაპევტი, ფსიქოთერაპიის ცენტრ “კამარა”-ს დამფუძნებელი ნათია ფანჯიკიძე და საზოგადოების პასუხისმგებლობასთან დაკავშირებით სოციალურ ქსელში ემოციურ პოსტს აქვეყნებს:

“ბევრი წელია, ქვეყანას ისე შემოეჩვია არაკანონზომიერი სიკვდილი, რომ ჩვენ არ გვაქვს უბრალოდ გაოგნებული ჯდომის და მხოლოდ გლოვის დრო და მითუმეტეს გლოვის დახვეწის დრო, კიდევ ერთმანეთის გლოვის გაკონტროლების დრო, ვინ უფრო გემოვნებიანია, ვინ უფრო ადეკვატური, ვინ უფრო ეთიკური და ვინ უკეთესი შემომკივლელი.

ჩვენ მხოლოდ მოქმედების დრო გვაქვს. რამდენიმე წლის წინ ძალიან კარგი კაცი და ძალიან კარგი სპეციალისტი მეუბნებოდა, თბილისში ხიდების დიდი ნაწილი ავარიულიაო. არამარტო ხიდების, დიდი ალბათობით. ხოდა, პრევენციას შევუდგეთ, მაქსიმალურად, როგორც გამოგვივა

ერთმანეთს კი გავუფრთხილდეთ. წამია სიცოცხლე“, – წერს ფეისბუქის პირად გვერდზე ნათია ფანჯიკიძე.