დაშინება, შანტაჟი, სამსახურიდან განთავისუფლება, არის ჩვეულებრივი მეთოდები, რომელსაც იყენებს “ქართული ოცნება”- ამის შესახებ ხათუნა სამნიძე საუბრობს. მისი თქმით ახლა ფოკუსი მეორე ტურებზეა და არ უნდა მივცეთ “ქართულ ოცნებას” იმის შესაძლებლობა, რომ ისევ იგივე მეთოდები გამოიყენოს, რასაც იყენებდა პირველ ტურზე:
“არჩევნებზე ბევრი დარღვევა ხდებოდა – ადამიანებზე თავდასხმა, დაშინება, შანტაჟი, სამსახურიდან განთავისუფლება, არის ჩვეულებრივი მეთოდები, რომელსაც იყენებს “ქართული ოცნება”.
ხაზგასასმელია ის საკითხი, რომ ჩვენი დასავლელი პარტნიორებისგან უფრო ხშირად და მკაფიოდ ისმის უარყოფითი შეფასებები, ვიდრე ჩვენი პოლიტიკოსებისგან.
უკმაყოფილო ვარ არჩევნების შედეგებით, იმიტომ რომ ჩვენი მთავარი ფოკუსი იყო “ქართულ ოცნებას” არ მიეღო 43% და გვქონოდა შესაძლებლობა რიგგარეშე არჩევნების, ეს ფოკუსი შეიცვალა, მაგრამ ახლა უკვე ჩვენი მთელი ძალისხმევა და ენერგია უნდა იყოს მიმართული მეორე ტურებისკენ, არ უნდა მივცეთ ქართულ ოცნებას, რომ ისევ იგივე მეთოდები გამოიყენოს, როგორც პირველ ტურზე“, – განაცხადა ხათუნა სამნიძემ.
ინფორმაციას პოლიტიკური პლატფორმა “გიორგი ვაშაძე – მესამე ძალა – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
