,,ერთიანი ნაციონალური მოძრაობის“ ქუთაისის მერობის კანდიდატი ხატია დეკანოიძემ მიხეილ სააკაშვილ მოინახულა საპატიმროშო. ოპოზიციონერი ლიდერის თქმით, საქართველოს მე-3 პრეზიდენტი ბრძოლის განწყობაზეა და მისი მთავარი გზავნილი არის ,,ბრძოლა თავდაუზოგავად რეჟიმის წინააღმდეგ“:
,,პირველად მქონდა შესაძლებლობა ჩემი მეგობარი, საქართველოს მე-3 პრეზიდენტი მომენახულებინა. შიმშილობას აგრძელებს, არის სამედიცინო მეთვალყურეობის ქვეშ.
მიშას გზავნილი საქართველოს მოქალაქეებისადმი, ჩემი მეგობრებისადმი, ჩვენს მიმართ, ყველასი არის – ბრძოლა თავდაუზოგავად რეჟიმის წინააღმდეგ, მეორე ტურებში რეჟიმის დამარცხება.
მიშას გზავნილი არის ის, რომ საქართველოში დიდ ქალაქებში ნამდვილად მოგება, წართმევა ,,ქართული ოცნების“ ხელისუფლების და საკრებულოებში უმრავლესობის, ასე ვთქვათ, მოპოვება – ეს არის ძალიან მნიშვნელოვანი და უდიდესი შედეგი. ბრძოლისუნარიანია ძალიან. უმნიშვნელოვანესია მისთვის საქართველოში დაბრუნება, ქვეყნის მოქალაქეებისთვის და მომავლისთვის იბრძვის.
ასე, რომ ძალიან ბრძოლის განწყობაზეა, მეც ანთებული გამოვედი. ვისაუბრეთ მომავალზე ძალიან ბევრი, როგორი უნდა იყოს ჩვენი სტრატეგია მეორე ტურში. რომ უნდა ვიბრძოლოთ და მართლაც, ,,ქართული ოცნებისგან“ თავისუფალი ანკლავები შევქმნათ დიდ ქალაქებში და შემდეგ, რა თქმა უნდა, დავამარცხოთ.
წერილი გამომატანა ჩემს მეგობრებთან: ,,მადლობა ჩემო ძმებო და დებო! მესმის თქვენი ხმა საპყრობილეში და ბრძოლის სურვილს მიათმაგებს, ვაწვებით გამარჯვებამდე“, – აღნიშნა ხატია დეკანოიძემ.
ავტორი
ნინი ხიჯაკაძე
