თითოეული თქვენგანის მისვლაზეა დამოკიდებული ქვეყნის განვითარების მშვიდობიანი ხვალინდელი დღე – „მესამე ძალა – სტრატეგია აღმაშენებლის“ ლიდერმა, გიორგი ვაშაძემ არჩევნების მიმდინარე პროცესებსა და მასში მიმდინარე დაფიქსირებულ დარღვევებთან დაკავშირებით საგანგებო ბრიფინგი გამართა:
“სამწუხაროდ არჩევნები დარღვევებთან ერთად მიმდინარეობს, სამწუხაროდ კიდევ უფრო მეტია, განსაკუთრებით ქუთაისში ხედავთ ჩვენ წარმომადგემლებს, რომლებიც აქტიურობდნენ იმისთვის, რომ წინასწარ შევსებული ოქმი გაბათილებულიყო.
3 საათზე ოდნავ მეტია დარჩენილი არჩევნების დასრულებამდე, გულწრფელად მინდა გთხოვოთ ყველას მიხვიდეთ არჩევნებზე. წლევანდელი აქტივობა არის მცირედით ნაკლები ვიდრე წინა. სწორედ ამ აქტივობაზე, ყველა ადამიანის ხმაზე, თითოეული თქვენგანის მისვლაზეა დამოკიდებული ქვეყნის განვითარების მშვიდობიანი ხვალინდელი დღე. ეს არჩევნები არის მართლაც მნიშვნელოვანი ერთი ცვლილებებისთვის და მეორე გავარღვიოოთ ეს დაპირისპირების მოჯადოვებული წრე. ყველას გთხოვთ არ დაიზაროთ და მიხვიდეთ არჩევნებზე, განსაკუთრებით მინდა თბილისს ვთხოვო, რადგან მაჩვენებელი წინა წელთან შედარებით დაბალია, აუცილებლად მიდით არჩევნებზე იმიტომ, რომ თითოეული ადამიანის მისვლა უფრო ნაკლები ხმის გაყალბებას ნიშნავს.
„მესამე ძალა – სტრატეგია აღმაშენებელს“ გვინდა ერთიანობა, საქმის კეთება წინსვლა, თანამშრომლობა და ამას სჭირდება თქვენი საარჩევნო აქტივობა, გააკეთეთ თქვენი არჩევანი, მიდით არჩევნებზე. ვფიქრობ, ყველას ერთად შეგვიძლია ერთი დიდი ისტორიული ნაბიჯი გადავდგათ წინ და წერტილი დავუსვათ ამ ქვეყანაში დაპირისპირებას.
დარღვევებთან დაკავშირებით შეგიძლიათ იხილოთ ვიდეო, ადამიანები რომლებიც არღვევენ 100 მეტრიან დისტანციას და მობილიზებულები არიან, და სიებით ხდება კონტროლი. ყველას მოვუწოდებ ნუ შეგეშინდებათ ამის, როდესაც საარჩევნო უბანზე შედიხართ და ხაზავთ თქვენს არჩევანს, ვერავინ ამას ვერ გაიგებს 100% -ან გარანტიას გაძლევთ“, – აცხადებს გიორგი ვაშაძე.
ინფორმაციას პოლიტიკური პლატფორმა “გიორგი ვაშაძე – მესამე ძალა – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
