,,ერთიანი ნაციონალური მოძრაობის“ ქუთაისის მერობის კანდიდატი ხატია დეკანოიძე საქართველოს მოქალაქეებს კიდევ ერთხელ მოუწოდებს არჩევნებზე მისვლისკენ და მიმართავს, რომ აირჩიონ ის, ვისაც მომავლისთვის უძგერს გული, ვინც პატრიოტული სულისკვეთებით არის განმსჭვალული და ყველაზე მნიშვნელოვანი – უარი უთხრას ოლიგარქიას:
,,მთელი ოპოზიციური კანდიდატების სახელით მინდა მივმართო თითოეულ ჩვენს თანამოქალაქეს, ყველა იმ ადამიანს, რომელიც ხვალ, 2 ოქტომბერს, გადამწყვეტი არჩევნებისთვის, რეფერენდუმისთვის აპირებს მისვლას და უნდა მივიდეს საარჩევნო ყუთთან, შემოხაზოს ყველა, გარდა ,,ქართული ოცნებისა“, შემოხაზოს ყველა, ვისაც ამ ქვეყნისთვის, ჩვენი მომავლისთვის უძგერს გული, ვინც პატრიოტული სულისკვეთებით არის განმსჭვალული და ყველაზე მნიშვნელოვანი – უარი უთხრას ოლიგარქიას!
მე მინდა ყველას ვუთხრა და შევპირდე, რომ ხვალ, გამარჯვების გაფორმების შემდეგ, საქართველოს მოქალაქეები ყველგან – ქუთაისში, ზესტაფონში, სამტრედიაში, თელავში, რუსთავში, თბილისში – დაიწყებენ ღირსეულ ცხოვრებას.
ჩვენ უარი უნდა ვუთხრათ ბიძინა ივანიშვილს! დიახ, იმიტომ რომ, რა დღეშიც ჩააგდო ქვეყანა.
ჩემო ძვირფასო თანამოქალაქეებო, ხვალ ყველა ერთად მივდივართ საარჩევნო ყუთებთან, მშიდად, წყნარად და ვიცავთ ხმებს, მაგრამ მანამდე ხმას ვაძლევთ ქვეყნის მომავალს“, – განახადა ხატია დეკანოიძემ.
ავტორი
ნინი ხიჯაკაძე
