“სალომე ზურაბიშვილთან მიმართებაში ,,ქართულ ოცნებას“, როგორც ჩანს, ნდობა აღარ აქვს” – ნიკა მელია

ერთიანი ნაციონალური მოძრაობის თავმჯდომარემ ნიკა მელიამ განაცხადა, რომ ,,ქართული ოცნება“, მიხეილ სააკაშვილთან მიმართებაში, ამზადებს ახალი სისხლის სამართლის საქმეს, რადგანაც შესაძლებელია ნდობა აღარ ჰქონდეთ სალომე ზურაბიშვილის მიმართ, რომელსაც შეუძლია ერთი ხელის მოწერით ქვეყნის მე-3 პრეზიდენტს ყველა ბრალი გაუქარწყლოს:

,,რატომ აკეთებს ,,ქართული ოცნება“ ამას და რატომ ავალებს რამდენიმე პროკურორს, რომ ახალი სისხლის სამართლის საქმის ფარგლებში ნიადაგი მოამზადონ ახალი ბრალისთვის მიხეილ სააკაშვილის წინააღმდეგ, ეს თავად მმართველ გუნდს უნდა ჰკითხოთ.

ზურაბიშვილთან მიმართებაში მათ, როგორც ჩანს, ნდობა აღარ აქვთ. მინიმუმ თეორიულად უშვებენ შესაძლებლობას, რომ მან შეიძლება შეიწყალოს ერთი ხელმოწერით მიხეილ სააკაშვილი და ამით ყველა ბრალი, რომელიც უბრალოდ არის უკვე ძალაში შესული, გამამტყუნებელი განაჩენის სახით – გაქარწყლდეს.

დაზღვევის მიზნით აქვთ მოფიქრებული ის, რაზეც ამ წუთას ვსაუბრობ“, – განაცხადა ნიკა მელიამ.

ავტორი
ნინი ხიჯაკაძე