“ბევრ რაიონში და რეგიონში სიტუაცია უკვე ისეთია, რომ შეიძლება სწავლის დასწრებული ფორმით დაწყება” – ამირან გამყრელიძე

დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა ამირან გაყრელიძემ მედიასთან კომენტარში აღნიშნა, რომ ქვეყანაში ეპიდსიტუაცია მიდის სტაბილიზაციისკენ და კონკრეტული პირობებით შესაძლებელია სასწავლო პროცესი განახლდეს დასწრებული ფორმით:

,,ქვეყანაში ეპიდემიოლოგიური სიტუაცია თანდათან მიდის სტაბილიზაციისკენ და დამშვიდებისკენ.

ბევრ რაიონში და რეგიონში უკვე სიტუაცია ისეთია, რომ შეიძლება სწავლის, რა თქმა უნდა, დასწრებული ფორმით დაწყება. ასევე, დიდი პასუხისმგებლობით მოეკიდნენ და მადლობა მინდა, გადავუხადო ჩვენს მასწავლებელთა კორპუსს.

უსაფრთხო რომ იყოს სკოლა, თვითონ ოჯახი უნდა იყოს უსაფრთხოდ და აცრილი“, – განაცხადა ამირან გამყრელიძემ.

ავტორი
ნინი ხიჯაკაძე