“აუცილებელია არჩევნებში თითოეული მოქალაქის მოსვლა და საკუთარი პოზიციის დაფიქსირება იმასთან დაკავშირებით, რომ “ქართული ოცნება“ უნდა გავუშვათ სახლში” – თეონა აქუბარდია

,,მესამე ძალა – სტრატეგია აღმაშენებლის“ წევრი, პარლამენტარი თეონა აქუბარდია კომენტარს აკეთებს ,,ქართული ოცნების“ გადაწყვეტილებაზე, 19 აპრილს ხელმოწერილი, შარლ მიშელის ხელშეკრულებიდან გამოსვლასთან დაკავშირებით და აცხადებს, რომ სადაც გარანტორი არის ევროკავშირი და ევროპული საბჭოს პრეზიდენტი შარლ მიშელი შეთანხმების პირობა,  აუცილებლად შესრულდება:

,,დასავლეთი არა მხოლოდ ზეწოლას განახორციელებს ,,ქართულ ოცნებაზე“, სხვადასხვა მექანიზმებითაც, ჩვენ ვიცით მას აქვს ამის მექანიზმი, არამედ ყველანაირად ეცდება, რომ ის შეთანხმება, სადაც არის გარანტორად ევროკავშირი და ევროპული საბჭოს პრეზიდენტი შარლ მიშელი – შესრულდეს.

ამ არჩევნებზე აუცილებელია თითოეული მოქალაქის მოსვლა და საკუთარი პოზიციის დაფიქსირება იმასთან დაკავშირებით, რომ უნდა გავუშვათ ქართული ოცნება“ სახლში“, – განაცხადა თეონა აქუბარდიამ.

ავტორი
ნინი ხიჯაკაძე