“სტრატეგია აღმაშენებლის” გენერალური მდივანი პაატა მანჯგალაძე არჩევნების გადადებასთან დაკავშირებით “ქართული ოცნების” პოზიციის შეფასებას ახდენს და მას “უსინდისო მანიპულაციას უწოდებს’’. ამასთან ოპოზიციური პარტიის ლიდერმა ჟურნალისტებს დეტალურად განუმარტა არჩევნების გადადების რეალური მიზეზი:
‘’რაც შეეხება საკითხს არჩევნების გადადებასთან დაკავშირებით, ეს არის უსინდისო მანიპულაცია “ქართული ოცნების” მხრიდან, რომ თითქოს მზად არ ვართ არჩევნებისთვის.
ჩვენი მთავარი მოტივაცია არჩევნების გადადებისა იყო ის, რომ – იზრდება ინფიცირების რაოდენობა, იზრდება გარდაცვლილების რაოდენობა და ვინაიდან ქვეყანაში დაბალია ვაქცინირებული ადამიანების რაოდენობა, სამი კვირით მაინც გადაგვედო არჩევნები, რადგან მილიონზე მაინც გასულიყო სრულად ვაქცინირებულ ადამიანთა რიცხვი. ამის შემდეგ შედარებით მარტივი იქნებოდა არჩევნების უსაფრთხოდ ჩატარება’’, – განაცხადა პაატა მანჯგალაძემ.
ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს
