“ლეიბორისტული პარტიის” ლიდერმა შალვა ნათელაშვილმა სპეციალური ბრიფინგი გამართა, სადაც განაცხადა, რომ პარტიამ ჰააგის სასამართლოში სარჩელი გაგზავნა ბიძინა ივანიშვილისა და მისი გარემოცვის წინააღმდეგ:
“დღეს საერთაშორისო სასამართლოში, ჰააგის ტრიბუნალზე გავგზავნეთ სარჩელი ბიძინა ივანიშვილის და მის გარემოცვის წინააღმდეგ ჩვენი ხალხისთვის კოვიდგენოციდის მოწყობის გამო.
საერთაშორისო კონვენციები გენოციდს განმარტავენ, როგორც ისეთი პირობების განზრახ შექმნას, რომელიც მასობრივ სიკვდილიანობას იწვევს. ბიძინა ივანიშვილმა ძალაუფლების შესანარჩუნებლად, რომ ხალხი აქციაზე არ გამოსულიყო, არ დაძლეულიყო სოციალურ-ეკონონომიკური და პოლიტიკური კრიზისი, ადამიანები სახლებში გამოკეტა, განზრახ არ შემოიტანა ვაქცინები, არ გადააწყო ჰოსპიტალური სექტორი და დღეს საქართველო ვირუსის გავრცელებით და სიკვდილიანობით მსოფლიოში პირველ ადგილზეა,” – განაცხადა შალვა ნათელაშვილმა.
