თვითმმართველობის არჩევნებისთვის პოლიტიკური პარტიები საარჩევნო კამპანიებს სხვადასხვა ფორმატში წარმათავენ. აღნიშნულ საკითხთან დაკავშირებით კომენტარი გააკეთა პარლამენტის პოლიტიკური ჯგუფის ,,გირჩის“ წევრმა ვახტანგ მეგრელიშვილმა და აღნიშნა, რომ ისინი არა “კარ და კარის” რეჟიმით, არამედ ვირტუალურ “zoom და zoom”-ის ფარგლებში განაგრძობენ კანდიდატების შერჩევას:
,,კარდაკარის მაგივრად ჩვენ გვაქვს “zoom და zoom”-ი.
“zoom და zoom”-ის ფარგლებში ჩვენ ვირტუალურად ვარჩევთ კანდიდატებს მთელ საქართველოში. აქედან გამომდინარე, ჩვენ არ გვიწევს ისეთი კამპანიის ჩატარება, რომ ვიაროთ ქუჩა-ქუჩა, ადამიანებს ვეხვიოთ და ა.შ.
სწორად დაემთხვა, რომ ჩვენი კამპანია ზუსტად ჯდება არსებულ ეპიდემიოლოგიურ ვითარებაში“, – განაცხადა ვახტან მეგრელიშვილმა.
ავტორი
ნინი ხიჯაკაძე
კომენტარები - დატოვეთ თქვენი მოსაზრება
