“ამ ხელისუფლებას ნამდვილად არ აქვს იმის უფლება, რომ თითი გაიშვიროს წინა ხელისუფლებისაკენ” – ზაალ უდუმაშვილი

ერთიანი ნაციონალური მოძრაობის პოლიტიკური საბჭოს წევრი ზაალ უდუმაშვილი ეხმიანება პრემიერ-მინისტრის მწვავე განცხადებებს ,,ნაციონალური მოძრაობის“ წინააღმდეგ და აღნიშნავს, რომ ,,სწორედ ეს არის ქვეყნის და სახელმწიფოს ღალატი, როდესაც საკუთარ ქვეყანას ადანაშაულებ შენ ომის დაწყებაში და ომის პროვოცირებაში“:

,,ჩვენ 2012 წლიდან გვესმის ერთი და იგივე მესიჯი რუსეთ-საქართველოს ომთან დაკავშირებით და სწორედ ეს არის ქვეყნის და სახელმწიფოს ღალატი, როდესაც საკუთარ ქვეყანას ადანაშაულებ შენ ომის დაწყებაში და ომის პროვოცირებაში.

მიუხედავად იმისა, რომ დღეს ტყვიებს არ ესვრიან და არტირელიის ჭურვები არ სკდება, ყოველდღიურად ვკარგავთ ტერიტორიებს მცოცავი ოკუპაციის მეშვეობით და ამის საპასუხოდ რეაქცია საქართველოს ხელისუფლების არის ნული.

ეს არის სწორედ ის, რომ დღეს ,,ქართული ოცნება“ მოიაზრება, როგორც რუსეთის დასაყრდენი საქართველოში. ამ ხელისუფლებას ნამდვილად არ აქვს იმის უფლება, რომ თითი გაიშვიროს წინა ხელისუფლებისაკენ“, – განაცხადა ზაალ უდუმაშვილმა.

ავტორი
ნინი ხიჯაკაძე