“ქართული ოცნების” მიერ მიღებული გადაწყვეტილების თაობაზე მედიასთან განმარტებებს აკეთებს პარლამენტის ვიცე-სპიკერი არჩილ თალაკვაძე:
“43%-ს ავიღებთ, 47-ს თუ 53-ს, მე გარწმუნებთ, რომ გადაწყვეტილებები იქნება მიღებული კონსტიტუციის შესაბამისად. თუ ოპოზიცია შეიცვალა, რაც, მე ვფიქრობ, განვლილმა წლებმა დაგვარწმუნა, რომ შეუძლებელია რადიკალური ბანაკი შეიცვალოს, თუ ისინი შეიცვალნენ, მართლა დაუმტკიცეს საზოგადოებას, პარტნიორებს, რომ ეს ადამიანები მზად არიან იმუშაონ პარლამენტში, მიიღონ დემოკრატიულ არჩევნებში მონაწილეობა ისე, რომ მერე საკუთარი ამომრჩევლების არჩევანი არ უარყონ და არ თქვან, რომ აღარ შევდივართ პარლამენტში, თუ ამ ოპოზიციამ რეალურად დაიცვა თამაშის წესები, მაშინ ჩვენ მათ ველოდებით პარლამენტში, სადაც არჩეულები არიან, აქვთ წარმომადგენლობა და პარლამენტი იმსჯელებს ყველა გადაწყვეტილებაზე კონსტიტუციისა და კანონის ფარგლებში“, – განაცხადა არჩილ თალაკვაძემ “რუსთავი 2”-ის ეთერში.
