“ქართული ოცნების” თავმჯდომარეს, საპარლამენტო უმრავლესობის ლიდერს ირაკლი კობახიძეს მიაჩნია, რომ 2020 წლის საპარლამენტო არჩევნების ჩატარებასთან დაკავშირებით ოპოზიციამ ცესკოს თავმჯდომარეს, თამარ ჟვანიას ბოდიში უნდა მოუხადოს, რადგანაც საარჩევნო კომისიის და არჩევნების მიმართ გაჟღერებული ბრალდებები ოპოზიციამ ვერ დაამტკიცა:
“ჩვენი პოზიცია არის მარტივი, ოპოზიციამ ბოდიში უნდა მოუხადოს თამარ ჟვანიას, ეს არის მარტივი პოზიცია. იმიტომ, რომ რასაც აბრალებდნენ თამარ ჟვანიას და მთლიანად საარჩევნო კომისიას და არჩევნებს, რომელიც შედგა საქართველოში, ის ვერ დაამტკიცეს. ასეთ დროს ბუნებრივია ბოდიში უნდა მოიხადო თუ გაქვს ღირსება, მაგრამ ოპოზიცია, სამწუხაროდ, ბოდიშს არ იხდის,” – განაცხადა ირაკლი კობახიძემ.
კომენტარები - დატოვეთ თქვენი მოსაზრება
