„საქართველოს სახელმწიფო ელექტროსისტემა” ინფორმაციას ავრცელებს 500 კვ-იანი ელექტროგადამცემი ხაზი „იმერეთის”, ჰიდროელექტროსადგურ „ენგურჰესის” ავარიული გამორთვისა და ელექტროენერგიის მიწოდების შეზღუდვის შესახებ:
“დღეს, 14 ივნისს, 14:00 საათზე, ავარიულად გამოირთო 500 კვ-იანი ელექტროგადამცემი ხაზი „იმერეთი” და ჰიდროელექტროსადგური „ენგურჰესი”, რის გამოც ელექტროენერგიის მიწოდება შეეზღუდა საქართველოს მოსახლეობის უმეტეს ნაწილს. ამ დროისათვის (16:00 საათი, რედ.), ქვეყნის ელექტრომომარაგება სრულად არის აღდგენილი.
„საქართველოს სახელმწიფო ელექტროსისტემა” ბოდიშს უხდის მომხმარებელს აღნიშნული შეფერხების გამო,” – ნათქვამია გავრცელებულ განცხადებაში.
