პარტია “კანონი და სამართლის” თავმჯდომარე, თაკო ჩარკვიანი, სოციალურ ქსელში, ქვეყანაში მიმდინარე პოლიტიკური პროცესების შეფასებისას აღნიშნავს, რომ ხელისუფლების დასამარცხებლად დასავლეთის ვექტორის პარტიების გაერთიანებაა აუცილებელი და უარი უნდა ითქვას რუსეთზე მომუშავე ხალხთან ყოველგვარ ურთიერთობაზე:
“მოკლედ საქმე ასეა: რასაც ვამბობდი და ვამბობ – გზა ერთია – დასავლეთის ვექტორის გაერთიანება. სანამ არ მივალთ იმ დასკვნამდე, რომ გაერთიანება არ არსებობს ოკუპანტის “კადრთან”, მანამდე ერთ წრეზე სიარული გველის. არ არსებობს კლანურ ბრძოლაში საქართველოს – ქართული სახელმწიფოს მოგება, რადგან ამ “კლანებს” პატრონი ერთი ჰყავთ – ოკუპანტი პუტინი.
შეცდომა იყო, არის და იქნება ოკუპანტის ვექტორის მომხრეებთან ჯდომა და “პუტუნი” მაღალ მიზნებზე ქვეყნისთვის, “ფსევდო გაერთიანება” არაფერს კარგს არ მოიტანს (გახსოვთ ალბათ ბურჯანაძის გამო, გავრილივის შემომყვანი კობახიძის საღლიცინო – საქილიკო გახდა ეს თემა, რუსეთის უპირობო მომხრესთან დაჯდა ოპოზიციაო და, რომ იცოდეთ, ბევრ ადამიანზე გარკვეულად მუშაობდა ეს, ამ ირაკლი კობახიძის დემაგოგია).
ობიექტურად კი ასეა, პოლიტიკურადაც და სწორი საბრძოლო სტრატეგიით, მართლა შეცდომაა – ვამბობდი და გავიმეორებ: დიახ, რუსეთთან – ოკუპანტზე წლების მანძილზე თანმიმდევრულად მომუშავე (ახლაც) ხალხი – პოლიტიკანები არ შეიძლება ამ ურთულეს ბრძოლაში – შეცდომაა და სირცხვილი, საქართველოს ერთ წრეზე “ჩატოვება”!!!
ბალტიის ქვეყნებმა ჭკვიანურად პრინციპულად გაიარეს გზა დასავლეთისკენ სრულფასოვნად მიმავალი! ერთი და იგივე შეცდომა დუპლეტს მოსდის მხოლოდ!
და როგორ აუხსნით ხალხს: ერთი ოკუპანტის “კადრი” მისაღებია და მეორე ასევე ოკუპანტის “კადრი” მიუღებელი?!
ასე არ გამოვა, არა!!! როგორ აუხსნით, რომ პოზნერთან მოსაუბრე, რომ ამბობს, რომ “საქართველომ ომი დაიწყო და მძინარე ცხინვალი დაბომბა და გორიც ჩვენვე დავბომბეთ თურმე”, რატომ განსხვავდება დუგინთან იგივე რიტორიკით მოსაუბრისგან?! ნუ შეიძლება თმის ვარცხნილობით მხოლოდ!” – წერს ფეისბუქის პირად გვერდზე თაკო ჩარკვიანი.
