“სტრატეგია აღმაშენებლის” თავმჯდომარე შუქრუთელების საკითხს ეხმიანება. გიორგი ვაშაძე მოხარულია, რომ ამ ადამიანების პრობლემა მოგვარდა და აღნიშნავს, რომ მოქალაქეებს მსგავსი უკიდურესი ზომების მიღებით არ უნდა სჭირდებოდეთ პრობლემების მოგვარება
“ჭიათურელ – შუქრუთელ მოშიმშილეებსა და ჭიათურ მანგანუმს შორის შეთანხმება შედგა და ამ შეთანხმების შედეგად სამხარაულის ექსპერტიზის ბიურო შეაფასებს ზიანს, რომელიც მიიღეს ამ ადამიანებმა და ეს ზიანი სრულად ანაზღაურდება. დოკუმენტი ოფიციალურად გაფორმებულია და შესაბამისი სამართლებრივი ძალა აქვს.
მივესალმები, რომ ამ ადამიანების შიმშილმა შედეგი გამოღო, უბრალოდ ვფიქრობ, რომ არ უნდა ჭირდებოდეს არცერთ საქართველოს მოქალაქეს საკუთარი სამართლიანი უფლების დაცვისთის შიმშილობა და პროტესტი.
მინდა დიდი მადლობა გადავუხადო, ყველა იმ ადამიანებს, ვინც ბოლო ორი კვირის მანძილზე ჩართული იყო ამ საკითხის მოგვარებაში, ყოველგვარი საჯარო განცხადებების გარეშე. ამ კონკრეტულმა ძალისხმევამ შედეგი გამოიღო და სწორედ ასე უნდა ვიბრძოლოთ ყველა უსამართლობის წინააღმდეგ ქვეყანაში, რომ კონკრეტულ შედეგზე გავიდეს. ჩვენი მთავარი მიზანი იქნება თითოეული ადამიანის უფლება დავიცვათ უსამართლობის წინააღმდეგ ბრძოლაში”, – აცხადებს გიორგი ვაშაძე.
ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს
