“ბოლო რამდენიმე თვის განმავლობაში, რაც ეს ინციდენტი მოხდა, მე ვისმენ რაღაც ზღაპრებს დაცვის მხრიდან” – ვახო სანაია

საქალაქო სასამართლოში გრძელდება პროცესი ჟურნალისტ ვახო სანაიაზე ა.წ. 25 თებერვალს თავდასხმასთან დაკავშირებით. აღნიშნულ საქმეზე დღეს გაიმართა მორიგი მოსმენა და ვახო სანაია აცხადებს, რომ ეს უნდა იყოს უპრეცედენტო მაგალითი იმისა, რომ ჟურნალისტებზე მსგავსი ქმედებებისაგან თავი შეიკავოს ყველამ:

,,მე ახალი ბევრი არაფერი მაქვს სათქმელი, უფრო სწორად საერთოდ არაფერი მაქვს სათქმელი იმიტომ, რომ მედიის საშუალებით ვფიქრობ, რომ ამომწურავი ინფორმაცია მივეცი.

ბოლო რამდენიმე თვის განმავლობაში, რაც ეს ინციდენტი მოხდა, მე ვისმენ რაღაც ზღაპრებს დაცვის მხრიდან. აუცილებლად უნდა დადგეს სამართლებრივი შედეგი საქმეზე, დანარჩენი ეს უკვე სასჯელის ზომა როგორი იქნება და ა.შ. ამას გადაწყვეტს მოსამართლე.

მაგრამ მთავარია, რომ პასუხი აგონ ამ ადამიანებმა. სამართლებრივი შედეგი იყოს იმ ქვეყანაში, სადაც ლამის ყოველდღიურად ესხმიან თავს ჟურნალისტებს, ამაზე არავინ აგებს ხოლმე პასუხს, ეს უნდა იყოს პრეცენდენტი იმისთვის, რომ თავი შეიკავოს ყველამ მსგავსი ქმედებებისგან“,- განაცხადა ვახო სანაიამ.

ავტორი
ნინი ხიჯაკაძე