„დღესაც საქართველოს მთავრობა სამოქალაქო თანასწორობის და ინტეგრაციის 2015-20 წლების სტრატეგიით ხელმძღვანელობს და ეს სტრატეგია დაუყოვნებლივ მოითხოვს განახლებას იმისთვის, რომ მოხდეს სამოქალაქო თანასწორობა და ჩვენი მოქალაქეების ჩართულობა სახელმწიფოს მშენებლობის კუთხით და კანონის უზენაესობა და ადამიანის უფლებები იყოს დაცული“, – განაცხადა პარლამენტის დღევანდელ სხდომაზე “სტრატეგია აღმაშენებლის” წევრმა, დეპუტატმა თეონა აქუბარდიამ.
ოპოზიციონერი დეპუტატის თქმით, როდესაც ვსაუბრობთ სტრატეგიაზე, აუცილებელია უნდა გავითვალისწინოთ სწორედ ის საფრთხეები, რომლებიც საკამოდ კარგად ჩანს დღეს და მათი თავიდან ასაცილებლად მთავრობამ შესაბამისი პოლიტიკა უნდა შეიმუშაოს:
„როდესაც ვსაუბრობთ სტრატეგიაზე, აუცილებელია გავითვალისწინოთ სწორედ ის საფრთხეები, რომლებიც საკამოდ კარგად ჩანს დღეს საინფორმაციო სივრცეში და შესაბამისი პოლიტიკა და შესაბამისი გეგმა უნდა ჰქონდეს როგორც მთავრობას, როგორც შესაბამის სამსახურებს, ასევე ქალბატონ ახვლედიანის უწყებას იმისთვის, რომ ის რისკები, რომლებიც არსებობს ქვეყანაში, საინფორმაციო სივრცეში, ამისი მაქსიმალური შემცირება მოვახდინოთ და გვქონდეს ეფექტიანი როგორც სტრატეგიული კომუნიკაცია, ასევე შესაბამისი პოლიტიკა და სამოქმედო გეგმა იმისთვის, რომ მოხდეს, ერთი მხრივ, ჩვენი მოქალაქეების ინტეგრაცია და ამასთან ერთად მოხდეს აი იმ რისკების, რომლებიც რუსეთიდან მომდინარეობს, შემცირება გამართული სისტემით და გამართული შესაბამისი პოლიტიკით“, – განაცხადა თეონა აქუბარდიამ.
