„ქართული-ოცნების“ ერთ-ერთი ლიდერის ირაკლი ქადაგიშვილი, ჟურნალისტებთან ინტერვიუში, მედიატორების მიერ წარმოდგენილ შეთანხმების დოკუმენტთან დაკავშირებით განაცხადა, რომ 17 აპრილს “ქართული ოცნების” მიერ ხელმოწერილ დოკუმენტთან შედარებით არის რიგი განსხვავებები, რაც მიუღებლად მიაჩნია:
„ჩვენ მოვაწერეთ დოკუმენტს ხელი, რომელიც იყო ხანგძლივი განხილვის შედეგი. იმ დოკუმენტში საერთოდ არაფერი იყო ნათქვამი არანაირ პროცენტებზე, არანაირი ბმა არ არსებობდა რაიმე კუთხით რიგგარეშე არჩევნებთან. ჩვენ, ჩვენი ინიციატივით ვთქვით საერთოდ, რომ თუ თვითმართველობის არჩევნებში “ქართული ოცნება” 40-% ნაკლებს აიღებს, ეს არის ჩვენი ინიციატივა, ჩვენ შეგვიძლია კიდევ ვიმსჯელოთ ზოგადად რიგგარეშე არჩევნებთან დაკავშირებით.
გამომდინარე ამ ჩვენი ინიციატივისა, რაღაცნაირად კიდევ პროცენტის მომატება: ერთი, ორი თუ სამი-პროცენტი, ამ შემთხვევაში ეს არის ჩვენი კეთილი ნების გამოხატულების ბოროტად გამოყენება.
რაც შეეხება, პატიმრებთან დაკავშირებულ საკითხს, აქაც ჩვენ იმ დოკუმენტიდან გამომდინარე ნათლად ვთქვით, რომ თუ მოხდება მელიას მხრიდან გირაოს გადახდა, მზადყოფნა გამოვთქვით, რომ პოლიტიკური ამინისტია შედგეს 20 ივნისის მოვლენების გარშემო. ჩვენთვის მისაღებია ის, რასაც მოვაწერეთ ხელი,“ – განაცხადა ირაკლი ქადაგიშვილმა.
ავტორი
თეკლა თოდუა
