“მე ექიმი ვარ, უამრავ ავადმყოფს ვღებულობ ყოველდღე და ყველა მადლობას მიხდის ასეთი შვილის გაზრდისთვის” – ანზორ მელია

დღეს 11 საათზე „ერთიანი ნაციონალური მოძრაობის“ თავმჯდომარის ნიკა მელიას სასამართლო პროცესი გაიმართა. მოსამართლე ნინო ჩახნაშვილმა არ დააკმაყოფილა ადვოკატების შუამდგომლობა აღკვეთი ღონისძიების შეცვლასთან მიმართებაში, თუმცა ბრალდებულის მამას, ანზორ მელიას, მისი საპატიმროდან გამოშვების დიდი მოლოდინი ჰქონდა. ამასთან დაკავშირებით მან ჟურნალისტებთან საუბრისას აღნიშნა:

„იმიტომ უნდა გამოუშვან, რომ ასე არის საჭირო და ეს ქვეყანას გამოადგება. მე მაქვს პოზიტიური მოლოდინები იმიტომ, რომ ხელისუფლება ალბათ მივიდოდა იმ აზრამდე, რომ არ შეიძლება დაპირისპირება იყოს ხალხში. ხალხიც დაწყარდება იმ შემთხვევაში როდესაც ნიკა გარეთ იქნება.

მე ექიმი ვარ და უამრავ ავადმყოფებს ვღებულობ ყოველდღე და ყველა მადლობას მიხდის ასეთი შვილის გაზრდისთვის. ხალხს ძალიან უყვარს იგი. არ მეგონა მე თუ ასეთ სიყვარულს დაიმსახურებდა ნიკა ამ ასაკში. ხალხმა იცის, ვინ უნდა შეიყვაროს“, – განაცხადა ანზორ მელიამ.

ავტორი
თეკლა თოდუა