ორშაბათი, მარტი 17, 2025
12.8 C
Tbilisi
spot_img
მთავარიCOVID 19"იმისთვის, რომ მომავალში ავირიდოთ სიტუაციის კიდევ უფრო გამწვავება,...

“იმისთვის, რომ მომავალში ავირიდოთ სიტუაციის კიდევ უფრო გამწვავება, აუცილებელია მკაცრი ზომების მიღება” – გიორგი ღიბრაძე

საზოგადოებაში დამკვიდრებული ტრადიციული სოციალური ღონისძიებები – ქორწილი, იუბილე, ქელეხი და ა.შ. ამ შეკრებების მიზნით ფართის გადაცემა/გაქირავება იკრძალება, – შესაბამისი ცვლილება “იზოლაციისა და კარანტინის წესების დამტკიცების შესახებ” საქართველოს მთავრობის დადგენილებაში შევიდა.

ამის თაობაზე უწყებათაშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ ბრიფინგზე განაცხადა:

ეპიდემიოლოგიური სიტუაცია ქვეყანაში უარესდება, შესაბამისად იმისთვის, რომ მომავალში ავირიდოთ სიტუაციის კიდევ უფრო გამწვავება, აუცილებელია მკაცრი ზომების მიღება. ასევე თითოეულმა ჩვენთაგანმა უნდა დავიცვათ არსებული რეგულაცია: ვატაროთ პირბადე, დავიცვათ დისტანცია.

რაც შეეხება ახალ ცვლილებებს: იკრძალება სოციალური ღონისძიების გამართვის მიზნით ფართის გადაცემა/დათმობა. აღნიშნულ სოციალურ ღონისძიებად ითვლება: ქელეხი, იუბილე, ქორწილი და ა.შ.

ფართის მფლობელი ვალდებულია მიიღოს ყველა გონივრული გზა, მათ შორის ხელშეკრულებით კონკრეტული შეზღუდვის დაწესების გზით, რადგან თავიდან იყოს აცილებული ფართის გამოყენება დადგენილებით აკრძალული მიზნებისთვის, ამასთან ფართის მესაკუთრე ვალდებულია დარღვების შესახებ ინფორმაციის მიღებისთანავე აცნობოს შესაბამის სამსახურებს.

როგორ ცნობილია, მოქმედი კანონმდებლობის თანახმად ქვეყანაში შეზღუდულია 10 ზე მეტი პირის თავშეყრა. დავიცვათ ყველა არსეუბლი რეგულაცია, რადგან თავიდან ავიცილოთ სიტუაციის კიდევ უფრო გამწვავება, მოგეხსენებათ მეზობელ ქვეყნებში და მსოფლიოში მწვავდება ვირუსის ეპიდემიოლოგიური სიტუაცია.

ჯარიმა ფიზიკური პირისთვის 2000 ლარი, იურიდიული პირისთვის 10 000 ლარია. ეს ეხება ნებისმიერ ადამიანს, რომელიც გააქირავებს ფართს ღონისძიების ჩატარებისთვის. მფლობელმა უნდა აცნობოს დამქირავებელს წინასწარ, რომ აკრძალულია ღონისძიების ჩატარება, წინააღმდეგ შემთვევაში შეიძლება დაჯარიმდეს. უნდა გაფორმდეს ხელშეკრულება, სადაც უნდა ეწეროს ის პუნქტები, რომლებიც დადგენილია“, – განაცხადა გიორგი ღიბრაძემ.

ავტორი
ნინი შონია

კომენტარები - დატოვეთ თქვენი მოსაზრება
spot_img

მსგავსი სტატიები

“ყოველგვარი წინაპირობის, ანგარიშის და მონიტორინგის გარეშე მივიღეთ სრული აკრედიტაცია” – ნინო დობორჯგინიძე

ილიას სახელმწიფო უნივერსიტეტის რექტორი, ნინო დობორჯგინიძე კომენტარს აკეთებს ილიაუნისთვის...

“ილიაუნმა და განსაკუთრებით მისმა რექტორმა გუშინ ქართულ საზოგადოებას დაუმტკიცა, რომ ყოველთვის აქვს ბრძოლას მნიშვნელობა”...

სამართლიანობის აღსადგენად და ილიას სახელმწიფო უნივერსიტეტისთვის სრული ავტორიზაციის მინიჭებისთვის...

spot_img

"პარალელის" გამოკითხვა

დღის პოპულარული

“მომავალში უფრო მეტი წარმატებები გვექნება ღვთის წყალობით, უფრო მეტი გამარჯვება და შევძლებთ, რომ ყოველთვის,...

ქართველი მოკრივე, გიორგი ჭიღლაძე გამარჯვების შემდეგ ჟურნალისტებთან კომენტარს აკეთებს: ,,საკმაოდ...

სს “თელასი”: 17 მარტს ელექტრომომარაგება დროებით შეიზღუდება თბილისის რამდენიმე რაიონის კონკრეტულ უბნებში

ელექტროენერგიის გამანაწილებელი კომპანია სააქციო საზოგადოება „თელასის“ მიერ გავრცელებული ინფორმაციით...