“საკმაოდ მძიმე საუბარი იყო გამოკითხვის დროს – ინტერესი არის ერთადერთი, რომ გაარკვიონ ვინ არის წყარო” – ნოდარ მელაძე

ტვ ,,პირველის” საინფორმაციო სამსახურის უფროსი ნოდარ მელაძე სასამართლოში მაგისტრ მოსამართლის თანდასწრებით გამოკითხეს. სასამართლოდან გამოსვლის შემდეგ ჟურნალისტებთან დეტალებზე ისაუბდა და განაცხადა, რომ დაკითხვების მთავარი მიზანი იყო იმის დადგენა, თუ ვინ არის წყარო და შეკითხვებიც ამის გარშემო ტრიალებდა:

,,საკმაოდ მძიმე საუბარი იყო გამოკითხვის დროს. ინტერესი არის ერთადერთი, რომ გაარკვიონ ვინ არის წყარო.

კითხვები ეხებოდა: საიდან? როგორ? რა ფორმით? რომელ დღეს? როგორი მატარებლით? ვისგან? მხოლოდ ამის გარშემო ტრიალებდნენ, რომ როგორმე დაადგინონ წყარო.

როგორც კი დავინახავთ განზრახვას, რომ ისინი გადააკვალიფიცირებენ მუხლს და დაიწყებენ გამოხიებას სავარაუდო დანაშაულებებთან დაკავშირებით იმ ძალადობებზე, რომლებიც იქ იყო, რომლის ფიგურანტებიც არიან ჟურნალისტურ გამოძიებაში მოხსენიებული პირები, ჩვენ გადავცემთ მათ ჩანაწერებს იმ ფორმით, რა ფორმითაც ჩვენთან არის რედაქციაში“, – განაცხადა ნოდარ მელაძემ.

ავტორი
ნინი ხიჯაკაძე