მოლაპარაკებების შემდეგი რაუნდის განსახილველად ოპოზიციონერი ლიდერები ,,ლეიბორისტული პარტიის” ოფისში შეიკრიბნენ. შეხვედრის შემდეგ ,,ევროპული საქართველოს” პოლიტიკური საბჭოს წევრმა გიგი უგულავამ ჟურნალისტებთან კომენტარი გააკეთა და აღნიშნა, რომ ირაკლი ღარიბაშვილის მონაწილეობა საზიანო იქნება მოლაპარაკებების პროცესში:
,,პერსონალურად ღარიბაშვილის მონაწილეობა მოლაპარაკების შედეგს აზიანებს და არ მიიყვანს სიტუაციას კრიზისის განმუხტვამდე, უფრო პირიქით. ამიტომ გვინდა მოვუწოდოთ ,,ქართულ ოცნებას”, რომ თავი შეიკავოს ამ პროვოკაციული ნაბიჯისგან.
რაუნდები, თუ ასეთი იქნება, წარმოდგენილი იყოს სხვა ლიდერებით, მაგრამ ამასთანავე ჩვენ ,,ქართულ ოცნებას” არ მივცემთ შესაძლებლობას ხელი გაიშვიროს სხვისკენ და რაიმე მოგონილი საბაბით ჩაშალოს მოლაპარაკება“, – განაცხადა გიგი უგულავამ.
ავტორი
ნინი ხიჯაკაძე
