საქართველოს სტატისტიკის ეროვნული სამსახური 2020 წლის III კვარტლის მოსახლეობის ეკონომიკური აქტივობის მაჩვენებლის შესახებ მონაცემებს საკუთარ გვერდზე აქვეყნებს.
სტატისტიკური მონაცემების საფუძველზე, საქართველოში უმუშევრობის დონე წინა წლის შესაბამის პერიოდთან შედარებით 0.7% – ით გაიზარდა და 11.9% შეადგინა. 2018 წლის III კვარტლის მონაცემებით საქართველოში უმუშევრობის დონე 12.2% იყო.
გამოქვეყნებული მონაცემების მიხედვით, კლება დასაქმებულთა საერთო რაოდენობაშიც აღინიშნება. ამ პერიოდში დაქირავებულთა წილი დასაქმებულთა საერთ რაოდენობის 49.5% შეადგენს, რაც 1.1% ნაკლებია წინა წლის იმავე პერიოდთან.
უნდა აღინიშნოს, რომ ეს მაჩვენებელი საქალაქო დასახლებებთან შედარებით, სასოფლო დასახლებებში გაცილებით დაბალია. 2020 წლის III კვარტალში, საქალაქო დასახლებებში, უმუშევრობის დონემ 20.2% შეადგინა, ხოლო რაც შეეხება სასოფლო დასახლებებს 0,8%-იანი კლება შეინიშნება.
საქართველოს უარყოფითი მაჩვენებლები აქვს სავაჭრო ჭრილშიც, რაც უმუშევრობისა და დასაქმებულთა რადენობის პირდაპირპროპორციულია. 2020 წლის იანვარ-ოქტომბერის მონაცემებით სავაჭრო ბალანსმა 3 728.9 მლნ აშშ დოლარი შეადგინა, რაც მთლიანი საგარეო სავაჭრო ბრუნვის 40.7%-ია.
შეგახსენებთ, რომ აღნიშნულ კვლევას საქართველოს სტატისტიკის ეროვნული სააგენტო ყოველ კვარტალურად აქვეყნებს საკუთარ ვებ-გვერდზე: WWW.GEOSTAT.GE
ავტორი
ნინო ცინცაძე
