დღეს ლეიბორისტული პარტიის ოფისში ოპოზიციური პარტიების შეხვედრა გაიმართა. „სტრატეგია აღმაშენებელის“ ლიდერმა, გიორგი ვაშაძემ ჟურნალისტებთან ისაუბრა ქვეყანაში დაგეგმილი საპროტესტო აქციების შესახებ და ხელისუფლებას ადეკვატური გადაწყვეტილებების მიღებისკენ მოუწოდა:
„გავცვალეთ ინფორმაცია მოლაპარაკების ფორმატთან და შინაარსთან დაკავშირებით, რა თქმა უნდა, საერთო პოზიციები კვლავ ჩამოვაყალიბეთ, ის ურყევია და ოპოზიცია ერთიანია. ასევე ვისაუბრეთ იმ აქციებზე, რის გამართვასაც ვაპირებთ, ეს არის მდუმარე, მშვიდობიანი, სიმბოლური ღონისძიება, ეს იგეგმება 21 ნოემბრისთვის არჩევნების მეორე ტურისთვის და გვქონდა ასევე დისკუსია იმ ჩიხურ მდგომარეობაზე, რომელიც ქვეყანაშია, თუმცა გამოსავალი კიდევ ერთხელ ვუსვამ ხაზს, რომ არის „ქართული ოცნების“ ხელში.
21 ნოემბრის აქციაზე ჩამოვყალიბდებით, არ ვიცი რომელ სირცხვილის დერეფანზე საუბრობენ, თუმცა ცალკეული პარტიები თუ რაიმეს გააკეთებენ ეს მათი საქმეა, ჩვენ ერთიან ფორმატს ექნება საკუთარი სტრატეგია.
რომელიმე პარტია, თუ საკუთარი ინიციატივით გამოდის ეს არის კონკრეტული პარტიის საქმე, ეს არ ნიშნავს, რომ მე ამას ვემხრობი. ჩვენ საერთო ფორმატში რა გადაწყვეტილებასაც მივიღებთ, ყველას აზრის გათვალისწინებით მხოლოდ ის ფორმა გვექნება. მე არ ვიცი რას გულისხმობს ხალხისთვის სირცხვილის დერეფნების გაკეთება.
მე ვფიქრობ, რომ დიალოგს აქვს პერსპექტივა, იმიტომ რომ ჩვენი დასავლელი პარტნიორების მონაწილეობით ჩვენ უნდა ვაიძულოთ „ქართული ოცნება“ კონკრეტული ნაბიჯები გადადგას. დიალოგის რეჟიმში, ხელახალი არჩევნების ნაცვლად, ჩვენ შეგვიძლია განვიხილოთ ვადამდელი არჩევნები. ხელისუფლებამ კი პასუხისმგებლობით უნდა მოეკიდოს ყოველივეს და მიიღოს გადაწყვეტილება, ხოლო არაადეკვატური პოზიციები რაც აქვს, ძალიან სწრაფად შეიცვლება,“ – განაცხადა გიორგი ვაშაძემ.
ავტორი
ნუცა ჯოხაძე
