“ზრუნვა სოფელზე და ფერმერებზე გრძელდება!” – გარემოს დაცვისა და სოფლის მეურნეობის სამინისტრო

გარემოს დაცვისა და სოფლის მეურნეობის სამინისტროს ინფორმაციით, ანტიკრიზისული პროგრამა, „ზრუნვა სოფელზე და ფერმერებზე“ გრძელდება:

 „ზრუნვა სოფელზე და ფერმერებზე გრძელდება!

 ანტიკრიზისული პროგრამის „ზრუნვა სოფელზე და ფერმერებზე“ ფარგლებში, სამელიორაციო მომსახურების 2020 წლის გადასახადისგან 32 122 აბონენტი გათავისუფლდა, დანაზოგმა 3 599 982 ლარი შეადგინა.

გარდა ამისა, სოფლის მეურნეობის ანტიკრიზისული გეგმის ფარგლებში, წყალმომხმარებლებს სრულად ჩამოეწერათ 2020 წლამდე შპს „საქართველოს მელიორაციის“ მიმართ არსებული დავალიანება“, – აღნიშნულია გარემოს დაცვისა და სოფლის მეურნეობის სამინისტროს განცხადებაში.

შეგახსენებთ, რომ პროგრამა ითვალისწინებს სასოფლო-სამეურნეო საქონლისა და ხვნის მომსახურების ღირებულების სუბსიდირებას. პროგრამით გათვალისწინებული სუბსიდიის მისაღებად საჭიროა, ფიზიკურ და იურიდიული პირებს საკუთრებაში ჰქონდეთ საჯარო რეესტრში  რეგისტრირებული სასოფლო-სამეურნეო დანიშნულების მიწის ნაკვეთი.

სოფლის მეურნეობის ანტიკრიზისული გეგმის, „ზრუნვა სოფელზე და ფერმერებზე“ ფარგლებში შემუშავებული პროგრამები, შესაძლებელია ნახოთ სოფლის განვითარების სააგენტოს ოფიციალურ ვებ-გვერდზე www.rda.gov.ge