საქართველოს პრემიერ-მინისტრობის კანდიდატმა გიორგი ვაშაძემ ,,სტრატეგია აღმაშენებლის’’ ოფისში გამართულ პრესკონფერენციაზე უპასუხა საინფორმაციო-სააგენტო ‘’პარალელი’’- ს ჟურნალისტის შეკითხვებს. ოპოზიციონერმა ლიდერმა ისაუბრა მთავრობის მიერ ტურისტული სექტორის ჩაკეტვაზე:
,,მმართველ პარტიას აქვს პოლიტიკური მიზანი ჩაკეტოს ტურისტული სექტორი. ის ეიფორია, რომელიც უნდოდათ მიეტანათ არჩევნებამდე ვითომ მაგარი კრიზის მენეჯერების თვალსაზრისით, დაიმსხვრა ბოლომდე. მე კითხვას ვსვამ, – ივნის-ივლისში მაშინ, როდესაც კორონავირუსის გავრცელების დაბალი მაჩვენებელი იყო ქვეყანაში, როდესაც ,,მწვანე ზონა’’- ში შეიყვანა საქართველო ევროკავშირმა, რატომ არ გაიხსნა საზღვრები? ახლა რატომ აპირებენ საზღვრების გახსნას?! იმიტომ, რომ კრახი განიცადა მათმა, პოლიტიკური მიზნებისთვის, შეწირულმა ეკონომიკამ,’’ – განაცხადა გიორგი ვაშაძემ.
არჩევნებთან დაკავშირებითაც დააფიქსირა თავისი პოზიცია გიორგი ვაშაძემ. მან ხაზი გაუსვა სხვადასხვა ქვეყნებიდან საერთაშორისო დამკვირვებლების ჩამოსვლის მნიშვნელობას და მადლობა გადაუხადა საქართველოში სამართლიანი არჩევნების ჩატარებისადმი განსაკუთრებული ინტერესისთვის. ,,სტრატეგია აღმაშენებლის’’ ლიდერმა მადლობა გადაუხადა, ასევე, პარტიის მხარდამჭერებს და აღნიშნა, რომ რეიტინგის ზრდა პარტიის აღმშენებლობის სტრატეგიის შედეგია:
,,ძალიან მნიშვნელოვანია ჩვენთვის, საერთაშორისო ორგანიზაციებიდან, სხვადახვა ქვეყნებიდან, განსაკუთრებით აშშ-დან, გვყავდეს დამკვირვებლები არჩევნებზე. ჩვენ მოვისმინეთ მაიკ პომპეუს განცხადება, რაც სწორედ იმაზე მიუთითებს, რომ არავინ მისცემს საარჩევნო მოროდიორობის უფლებას ,,დამსხვრეული ოცნებების’’ პარტიას. მადლობა მათ მხარდაჭერისთვის, ჩვენ ამას დემოკრატიის მშენებლობისთვის გამოვიყენებთ.
ჩვენ ასევე ყოველთვის ვსაუბრობთ საქმეზე, იმ პრობლემებზე, რომელიც ხალხს აწუხებს. ჩვენ ვართ პროფესიონალთა ჯგუფი, ვინც ზუსტად ვიცით, თუ რა არის ქვეყანაში გასაკეთებელი და რას ნიშნავს აღმშენებლობის სტრატეგია. აქედან გამომდინარეობს სწორედ ჩვენი რეიტინგის ზრდა. დიდი მადლობა თითოეულ იმ ადამიანს, რომელიც მხარს გვიჭერს და გვისმენს ჩვენ“, – განაცხადა გიორგი ვაშაძემ.
ავტორი
ანა ბოგვერაძე
